Google Docs គ្មានបញ្ហា អាចធ្វើការបានគ្រប់ទីកន្លែង ទោះគ្មានអ៊ីនធឺណិត

2019-01-22 06:38:58
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីរៀបចំអត្ថបទឥតគិតថ្លៃ មិនទាន់មានមួយណាល្អជាង Google Docs នោះទេ។ តាមរយៈ Google Drive ជាឃ្លាំងស្តុកទុកទិន្នន័យ អ្នកអាចរៀបចំកែប្រែឯកសារបានគ្រប់ទីកន្លែងជាមួយនឹង Google Docs។

ប៉ុន្តែចុះបើ ត្រូវការមើល ឬកែប្រែឯកសារចំពេលមិនមានអ៊ីនធឺណិត អ្នកអាចរៀបចំឲ្យអាចប្រើ Offline ទាំង Google Docs, Google Slides និង Google Sheets តាមវិធីដូចគ្នា។

ការរៀបចំលើកុំព្យូទ័រ

មុខងារ Offline សម្រាប់ Docs អាចប្រើបានតែលើ Chrome ប៉ុណ្ណោះ។

Sign In ចូលគណនី Google៖ ក្រោយពេលដំឡើង Chrome Browser ត្រូវ Sign In ចូលគណនី Google របស់អ្នក។
ទាញយក Google Docs Offline Extension៖ អាចទាញយក និងដំឡើង Extension ក្នុងការប្រើប្រាស់ Google Docs, Slides និង Sheets ដោយ Offline បាន។
បើកប្រើ Offline៖ បើកគេហទំព័រ Google Docs និង Sign In ចូលប្រើគណនី Google (ករណីមិនទាន់បានចូល)។ ចុចលើរូបបន្ទាត់ស្ទួនគ្នាបី នៅជ្រុងលើខាងឆ្វេង > ចុចយក Settings > បើកមុខងារ Offline។

ការរៀបចំលើទូរសព្ទ

ទាញយកកម្មវិធី៖ Google ផ្តល់កម្មវិធីដាច់ដោយឡែក Google Drive, Docs, Slides និង Sheets ទាំងលើ iOS និង Android។ ទាញយកកម្មវិធីណាមួយមានតម្រូវការប្រើប្រាស់ Offline។
កំណត់ File អាចប្រើ Offline៖ នៅក្នុងកម្មវិធី Drive ដែលបានជ្រើសរើស ចុចលើរូបបន្ទាត់ផ្តេកបីស្ទួនគ្នា នៅជ្រុងលើខាងឆ្វេង > ចុចលើ Settings > ចុចបើក Make recent files available offline។ អ្នកត្រូវការធ្វើបែបនេះដដែលសម្រាប់កម្មវិធី Slides និង Sheets បើត្រូវការ។ កម្មវិធីទូរសព្ទនឹងសម្គាល់ File ណាមួយឧស្សាហ៍បើកប្រើចម្លងប្រើប្រាស់ពេល Offline។ ប៉ុន្តែអាចកំណត់ File ជាក់លាក់ណាមួយខ្លួនឯងបាន។

កំណត់ File ណាមួយឲ្យ Offline

Google នឹងព្យាយាមរក្សាទំហំផ្ទុកដោយចម្លងតែ File ទើបបានកែប្រែលើឧបករណ៍ប៉ុណ្ណោះ។ ប៉ុន្តែមានជម្រើស បើអ្នកចង់ប្រាកដថា File ណាមួយចង់ទុកប្រើ។ លើ Laptop អាចទាញយក Google Drive ដើម្បីចម្លងទុក Files ទុកប្រើលើ Desktop។

បើត្រឹមចង់ទាញយក File ណាមួយ អាចស្វែងរក File ក្នុងកម្មវិធី ចុចលើ icon សញ្ញាចុចបីគ្រាប់ > បើកមុខងារ Available offline។

ពេលមាន File អាចប្រើបាន Offline នឹងឃើញសញ្ញារាងជារង្វង់មានគំនូសសញ្ញាគ្រីសខាងក្នុង។ ពេលកែប្រែ File ដោយមិនមានអ៊ីនធឺណិត នឹងឃើញសញ្ញានោះប្រែដុតខ្លាំងក្បែរឈ្មោះឯកសារ។ ពេលមានអ៊ីនធឺណិត ការផ្លាស់ប្ដូរនេះនឹងកែប្រែជំនាន់លើអ៊ីនធឺណិតដែរ ហើយសញ្ញានោះនឹងបាត់៕