៣ទឹកពេញ អេ ហនុមាន រិន ដេវីត ប្រកួតយ៉ាងស្វិតស្វាញទម្រាំរកឃើញអ្នកឈ្នះ
- 2019-03-20 07:12:28
- ចំនួនមតិ 0 | ចំនួនចែករំលែក 0
៣ទឹកពេញ អេ ហនុមាន រិន ដេវីត ប្រកួតយ៉ាងស្វិតស្វាញទម្រាំរកឃើញអ្នកឈ្នះ
ចន្លោះមិនឃើញ
ការប្រកួតពានរង្វាន់ទម្ងន់ ៥៤គីឡូក្រាម កាលពីល្ងាចថ្ងៃសៅរ៍ទី១៦ មីនា ២០១៩ កន្លងទៅនេះរវាង អេ ហនុមាន និង រិន ដេវីត ស្វិតស្វាញខ្លាំងមែនទែន វ៉ៃគ្នា៣ទឹកពេញទើបអាចរកបេក្ខភាពឡើងទៅជុំទី២ទៀតបាន។
អ្នកលេងគុនខ្មែរវ័យក្មេងទាំងពីរនាក់នេះ ចាប់ផ្ដើមស្នូរជួងភ្លាម បើកការសម្រុកគ្នាតែម្ដង មានទាំងកណ្ដាប់ដៃ អោបចាក់ជង្គង់ និងទាត់។ ទាំង ហនុមាន ក៏ដូចជា ដេវីត គឺទាត់ចេញច្រើនតែម្ដង ពោលតាំងពីទឹកទី១រហូតដល់ទឹកមិនតិចជើងនោះឡើយ។
អេ ហនុមាន បានឲ្យដឹងថា ខ្លួនជួបការលំបាកខ្លាំងសម្រាប់ការប្រកួតមួយនេះ ដោយសារដៃគូគេមានកម្លាំងល្អ និងចូលចិត្តវ៉ៃបុកទៀតផង។ រូបគេជាកីឡាករវ៉ៃក្បាច់ម្នាក់ដល់ទៅប៉ះជាមួយដើរបុកដូចនេះ ពិបាកនិងវ៉ៃតបតវិញដែរ។ អ្នកលេងគុនខ្មែរខាងលើក៏ថ្លែងអំណរគុណដល់លោក អេ ភូថង ដែលបានផ្គត់ផ្គង់ និងបង្ហាត់បង្រៀនដល់ខ្លួន។
ការប្រកួតជម្រុះចាញ់ធ្លាក់ៗនៃពានរង្វាន់ TV5 ទម្ងន់ ៥៤គីឡូក្រាម ថ្ងៃសៅរ៍សប្ដាហ៍មុននេះគឺមានពីរគូ អេ ហនុមាន ឈ្នះពិន្ទុ រិន ដេវីត ខណៈ ផាន់ សុផាត ផ្ដួលដៃគូឲ្យសន្លប់ក្នុងទឹកទី១ បានឡើងទៅជុំទី២បន្តទៀត៕
អតីតអ្នកប្រដាល់ ស៊ន អេលីត កំពូលអង្គរក្សនៅជាប់មេដឹកនាំពិភពលោកកំពូលៗ
ក្លឹប Angkor Tiger ឧបត្ថម្ភថវិកា ៤០៤៥ដុល្លារ ដល់គ្រួសារសពអ្នកបើកតាក់ស៊ីនៅសៀមរាប
មកស្គាល់គ្រូពេទ្យចិត្តធម៌ល្បីជួយអ្នកប្រដាល់ អ្នកសុំទាន និងតាៗធាក់ស៊ីក្លូ