វ៉ាន់ វឿន ប្រាប់មូលហេតុអត់ប្ដូរដៃគ្នាជាមួយ លាភ រដ្ឋា វគ្គផ្ដាច់ព្រ័ត្រខ្សែក្រវាត់

2019-04-01 07:43:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់មេដាយសំរឹទ្ធស៊ីហ្គេម ២០១៧ វ៉ាន់ វឿន យល់ឃើញថា ខ្លួនឈ្នះ៣ទឹករួចហើយ ដូច្នេះទឹក ៤-៥ វ៉ៃទប់ៗទៅឈ្នះហើយ មិនបាច់ដូរដៃជាមួយកីឡាករ លាភ រដ្ឋា នោះឡើយ។

លាភ រដ្ឋា ពេលត្រូវអាជ្ញាកណ្ដាលរាប់

វ៉ាន់ វឿនឲ្យដឹងថា សម្រាប់ការប្រកួតផ្ដាច់ព្រ័ត្រខ្សែក្រវាត់ខារាប៉ាវនេះ តឹងតែងណាស់ទម្រាំអាចឈ្នះ លាភ រដ្ឋា។ បន្ទាប់ពីដឹងថា ខ្លួនអាចឡើងវគ្គផ្ដាច់ព្រ័ត្រវិញបាន រូបគេបានប្រឹងហ្វឹកហាត់ខ្លាំងណាស់ ដោយមិនធ្វេសប្រហែល ឬដើរលេងឡើយ។

វ៉ាន់ វឿន ពេលឈ្នះខ្សែក្រវាត់

ការប្រកួតនៅទឹកទី៤-៥ ជើងខ្លាំង លាភ រដ្ឋា បានដើរចូលបុកខ្លាំង និងព្យាយាមប្រើកណ្ដាប់ ប៉ុន្តែ វ៉ាន់ វឿន មិនប្ដូរជាមួយឡើយ ពោលថយៗ និងចេញស្នៀតកាត់ចង្វាក់ប៉ុណ្ណោះ។ មុនការប្រកួតអ្នកប្រដាល់មកពីក្លឹបឃ្លាំងមឿងរូបនេះមិនរំពឹងថា អាចវ៉ៃឲ្យអាជ្ញាកណ្ដាលរាប់ លាភ រដ្ឋា ដូចនេះទេ។

ទីបំផុត វ៉ាន់ វឿន បានឈ្នះពិន្ទុកីឡាករ លាភ រដ្ឋា កាលពីថ្ងៃសៅរ៍ ទី៣០ ខែមីនា ២០១៩ ទទួលបានខ្សែក្រវាត់១គ្រឿង និងប្រាក់រង្វាន់ ២០លានរៀលនៅសង្វៀនអាស៊ីអាគ្នេយ៍៕

អត្ថបទ៖ នួន ស៊ីណា