Samsung បញ្ជាក់ពី Galaxy A91 អាចសាកថ្មលឿនកម្លាំង ៤៥ វ៉ាត់
- 2019-08-27 01:48:03
- ចំនួនមតិ 0 | ចំនួនចែករំលែក 0
Samsung បញ្ជាក់ពី Galaxy A91 អាចសាកថ្មលឿនកម្លាំង ៤៥ វ៉ាត់
ចន្លោះមិនឃើញ
Samsung បានបញ្ជាក់អំពីវត្តមានស្មាតហ្វូនត្រកូល A ចំនួនពីរត្រៀមនឹងចេញនាពេលខាងមុខ គឺម៉ូដែល Galaxy A91 និង Galaxy A90 5G។ នេះបើតាមការប្រទះឃើញរបស់ក្រុមការងារ SamMobile នៅលើវិបសាយផ្លូវការរបស់ Samsung ប្រចាំប្រទេសហុងគ្រី។
លើវិបសាយបានបញ្ជាក់អំពីចំណុចសំខាន់ពីរគឺ Galaxy A91 នឹងអាចទ្រាំទ្រនឹងការសាកថ្មកម្លាំង ៤៥ វ៉ាត់ ចំណែក Galaxy A90 5G ទ្រាំទ្រការសាកថ្មកម្លាំង ២៥ វ៉ាត់។ បន្ថែមពីនេះឃើញមានការរាយឈ្មោះស្មាតហ្វូនដែលទ្រាំទ្រការសាកកម្លាំង ៤៥ វ៉ាត់ ដែលមានសរសេរថា “Galaxy Note 10+, Note 10+ 5G, A91 and higher”។ មានន័យថាបច្ចេកវិទ្យានេះនឹងមានលើស្មាតហ្វូន Samsung នាពេលបន្តបន្ទាប់ទៀត។
Galaxy A91 រំពឹងថានឹងជាស្មាតហ្វូនលំដាប់កំពូលមួយប្រចាំត្រកូល A។ គេរំពឹងថាវានឹងមានបំពាក់កាមេរ៉ាដល់ ៤ គ្រាប់ ដែលមានកាមេរ៉ាមេកម្រិត ១០៨ MP, កាមេរ៉ា Wide-Angle កម្រិត ១៦ MP, កាមេរ៉ា Telephoto 5x Zoom កម្រិត ១២ MP និង Sensor វាស់ជម្រៅ ToF។
ចំណែក Galaxy A90 5G រំពឹងថានឹងជាស្មាតហ្វូន 5G តម្លៃធូររបស់ Samsung សម្រាប់វាយលុកទីផ្សារនាពេលខាងមុខ។ ចំពោះកាលបរិច្ឆេទប្រកាសចេញស្មាតហ្វូនទាំងពីរ នៅមិនទាន់មានការបញ្ជាក់នៅឡើយទេ៕
ចុចអាន ៖ តាមពិត Samsung អ្នកនៅពីក្រោយខ្នងអេក្រង់ទឹកធ្លាក់ថ្មីសោះ!