ក្រុមខ្លាំង បារ៉ែន ឈ្នះកម្ពុជាទាំងលំបាកនៃការជម្រុះ World Cup 2022
- 2019-09-10 13:22:40
- ចំនួនមតិ 0 | ចំនួនចែករំលែក 0
ក្រុមខ្លាំង បារ៉ែន ឈ្នះកម្ពុជាទាំងលំបាកនៃការជម្រុះ World Cup 2022
ចន្លោះមិនឃើញ
ក្រុមបាល់ទាត់កម្ពុជា លេងបានល្អដដែលសម្រាប់ការប្រកួតលើកទី២ នៃវគ្គជម្រុះ World Cup 2022 ក្រុមពូល C មិញនេះ ប៉ុន្តែដោយសារកាយសម្បទាខុសគ្នាខ្លាំង ជាហេតុចាញ់ក្រុមមាឌធំ បារ៉ែន ដោយលទ្ធផល ១-០ នៅក្នុងពហុកីឡដ្ឋានជាតិមិញនេះ។
ដោយសារតែកាយសម្បទាមាឌធំៗ ជាហេតុធ្វើឲ្យក្រុមភ្ញៀវ បារ៉ែន ហាក់លេងបានល្អជាងកម្ពុជា ពោលដាក់សម្ពាធច្រើនមកលើកម្ពុជាជារឿយៗ។ បើទោះជាក្រុមភ្ញៀវសម្រុកខ្លាំងបែបនេះក្ដី នៅ៤៥ទីដំបូងក៏ដោយ តែក្រុមកម្ពុជាក៏មានឱកាសសម្រុកម្ដងៗវិញផងដែរ។
ក្រុមកម្ពុជានៅតែលេងទម្រង់លឿនៗដូចកាលប៉ះក្រុមហុងកុងដដែល ពោលនៅពេលដែលកីឡាករបានបាល់ហើយ គឺព្យាយាមបោះឲ្យមិត្តរួមក្រុម ម្នាក់ៗនៅអមចាំទទួលបាល់ពីគ្នា និងរកចន្លោះស៊ុត។ ចូលវគ្គទី២ ក្រុមភ្ញៀវរឹតតែដាក់សម្ពាធលើម្ចាស់ផ្ទះកម្ពុជា ហើយការសម្រុករបស់ បារ៉ែន ជាញយៗក៏សម្រេចរកគ្រាប់បាល់បាន១គ្រាប់តែម្ដងនាការប្រកួតមួយនេះ។
រំលឹកដែរថា ការប្រកួតជម្រុះជុំទី២ និងត្រូវជាប្រកួតទី២ក្នុងពូល C មិញនេះរបស់ កម្ពុជាគឺចាញ់ក្រុមភ្ញៀវបារ៉ែន ២-០ នៃវគ្គជម្រុះពានរង្វាន់ World Cup 2022 នៅពហុកីឡដ្ឋាន។ ក្រុមបារ៉ែន ទទួលបាន៣ពិន្ទុបន្ថែមសរុបមាន ៤ពិន្ទុក្នុងដៃ កំពុងឈរលេខ១ក្នុងពូល C បណ្ដោះអាសន្ន៕
តា Perez សារភាពត្រង់ៗពី មូលហេតុដែល ជើងឯក UCL ១៣សម័យចុះខ្សោយ
De Bruyne អាចតាមទាន់កំណត់ត្រាមិនងាយបំបែកមួយរបស់ Henry
ដឹងតែកក្រើកហើយសប្ដាហ៍នេះ ចិត្រា ប៉ះ ឡុង ជិន រឿង សោភ័ណ្ឌ ប៉ះ ឡុង សុភី