ខ្នង iPhone តម្លៃ ៣៩៩ដុល្លារថ្មី ត្រូវបានបង្ហាញ
- 2020-03-05 01:46:19
- ចំនួនមតិ 0 | ចំនួនចែករំលែក 0
ខ្នង iPhone តម្លៃ ៣៩៩ដុល្លារថ្មី ត្រូវបានបង្ហាញ
ចន្លោះមិនឃើញ
រូបភាពដែលត្រូវបានគេចែកចាយព្រាតនៅលើបណ្ដាញសង្គមចិន បានបង្ហាញអំពីរូបរាងច្បាស់ៗនៃ iPhone តម្លៃធូរថ្មីដែលជាអ្នកតំណែង iPhone SE ចេញកាលពីឆ្នាំ ២០១៦។
រូបភាពបានបង្ហាញអំពីខ្នងខាងក្រោយរបស់ iPhone តម្លៃធូរដែលកន្លងមកគេហៅវាថា iPhone 9 ឬ iPhone SE2។ ខ្នងខាងក្រោយគឺដូចគ្នាបេះដាក់ទៅនឹង iPhone 8 ខុសគ្នាតែនៅត្រង់ទីតាំងនៃឡូហ្គោផ្លែប៉ោមឆែបតែប៉ុណ្ណោះ។
iPhone 9 គឺជា iPhone តម្លៃធូរថ្លៃទីពីរបន្ទាប់ពី iPhone SE។ គេជឿជាក់ថាវាមានអេក្រង់ទំហំ ៤,៧ អ៊ីញ ប្រភេទ LCD អាចបង្ហាញរូបភាពក្នុងកម្រិត ១៣៣៤x៧៥០ ភីកសែល។ នៅផ្នែកខាងក្រោមនៃអេក្រង់គឺមានប៊ូតុង Home ដែលមានមុខងារ TouchID។
Apple នឹងបំពាក់នូវបន្ទះឈីប A13 Bionic នៅលើ iPhone តម្លៃធូរថ្មីរបស់ខ្លួន ដែលអាចភ្ជាប់ជាមួយ RAM ទំហំ ៣GB ជាមួយជម្រើសអង្គផ្ទុក ៦៤GB និង ១២៨GB។ កាមេរ៉ា Selfie មានទំហំ ៧ MP ហើយកាមេរ៉ាខាងក្រោយមានកម្រិត ១២MP។
កន្លងមកមានការអះអាងថា iPhone តម្លៃធូរនេះនឹងប្រកាសចេញនាថ្ងៃទី ៣១ ខែមីនា ហើយចេញលក់នៅថ្ងៃទី ៣ ខែមេសា ជាមួយតម្លៃរំពឹងទុកចាប់ពី ៣៩៩ ដុល្លារ តម្លៃដូច iPhone SE ពេលចេញលក់ដំបូងដែរ។
យ៉ាងណាក្ដីអ្នកវិភាគ Daniel Ives បាននិយាយថា Apple ប្រហែលជាត្រូវពន្យារពេលការប្រកាសចេញ iPhone 9 ដោយសារភាពស្មុគស្មាញកើតមានព្រោះវីរុស COVID-19 ធ្វើឲ្យប៉ះពាល់ដល់សង្វាក់ផលិតកម្មនៅចិន៕