ឱកាសមាសចូលរួមប្រកួត MATIC 2015 នៅប្រទេសចិនពីការកុង Clan

2014-11-24 02:01:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ដំណឹងពិសេសភ្ញាក់ផ្អើលសម្រាប់អ្នកកម្សាន្ត AK គ្រប់រូប! ក្រៅពីជើងខ្លាំង ២ ក្រុមនៅវគ្គផ្ដាច់ព្រ័ត្រនៃព្រឹត្តិការណ៍ប្រកួត CCC Final ក្រុម NeverCare និង Secret ដែលទទួលបានកៅអីទៅប្រកួតបន្តនៅក្នុងព្រឹត្តិការណ៍ MATIC 2015 នាប្រទេសចិន សេវាកម្សាន្ត AK Online នឹងផ្ដល់កាដូពិសេសជូនដល់អ្នកកម្សាន្តមួយក្រុមផ្សេងទៀតឲ្យមានឱកាសចូលរួមប្រកួតក្នុងព្រឹត្តិការណ៍ប្រកួតអន្តរជាតិ MATIC 2015 ជាមួយជើងខ្លាំងទាំង ២ នេះផងដែរ ដែលមួយក្រុមនោះគឺជាសមាជិក Clan ដែលទទួលបានពិន្ទុ League ខ្ពស់ជាងគេប្រចាំ Team Challenge (កុង Clan) ក្នុងសប្ដាហ៍ក្រោយនេះ (ពីថ្ងៃច័ន្ទទី ២៤ ដល់ថ្ងៃទី ៣០ ខែវិច្ឆិកា)។

ចំពោះលទ្ធផល ក្រុមការងារសេវាកម្សាន្ត AK Online នឹងធ្វើការបង្ហាញនៅថ្ងៃច័ន្ទ ទី ១ ខែធ្នូ ឆ្នាំ ២០១៤ នាវេលាម៉ោង ៩ ព្រឹក។ ដូច្នេះ ប្រធាន Clan ទាំងអស់គួរតែកោះហៅសមាជិកគ្រប់រូបឲ្យប្រឹងប្រែងក្នុងការចូលរួមប្រកួតក្នុង Team Challenge ដើម្បីទទួលបានឱកាសមាសទៅប្រកួតបង្ហាញសមត្ថភាព ក៏ដូចជាបង្ហាញឈ្មោះ Clan នៅលើឆាកប្រកួតកីឡាអេឡិចត្រូវនិក E-Sports ដ៏ធំក្នុងប្រទេសចិនឲ្យគេស្គាល់ផងដែរ។

អត្ថបទ៖ ភីឆាយ