បុរី និង ខុនដូ តារាខ្មែរចូលចិត្តទិញស្នាក់នៅបំផុត!

2014-11-25 21:38:26
ចំនួនមតិ 0 | ចំនួនចែករំលែក 0

ចន្លោះមិនឃើញ

មានបុរីពីរ និង ខុនដូមួយដែលតារាខ្មែរចូលចិត្ត ទិញស្នាក់នៅជាងគេគឺ ម៉េងហួត ពិភពថ្មី និង De Castle ។

តាមប្រភពពីអ្នកសិល្បៈម្នាក់អះអាងថា រវាង ប៉េងហួត ពិភពថ្មី និង De Castle ចែកចេញជា បីលំដាប់ផ្សេងគ្នា ទៅតាមលទ្ធភាព និង ជីវភាពតារានិមួយៗ។

សម្រាប់តារាមានជីវភាពខ្ពស់ ក្នុងការរកចំណូលបានច្រើន ជាពិសេសតារាល្បីៗគឺភាគច្រើនពួកគេស្នាក់នៅ បូរីប៉េងហួត មានតម្លៃចាប់ពី ១០ម៉ឺនដុល្លារឡើងទៅ។

សំណង់ផ្ទះល្វែង និងវិឡា បូរីពិភពថ្មី

ដោយឡែកសម្រាប់តារាមានជីវភាពមធ្យមពួកគេច្រើនទិញផ្ទះនៅបុរី ពិភពថ្មី ព្រោះបុរីនេះ មានតម្លៃសមរម្យ ចន្លោះពី ៦ ម៉ឺនដុល្លារទៅ ១០ ម៉ឺនដុល្លារ អាចឱ្យពួកគេមានលទ្ធភាពទិញផ្ដាច់ ឬបង់រំលោះបាន។

រីឯ De Castle ជាប្រភេទ ខុនដូ ដែលតារាខ្មែរភាគច្រើននិយមចូលចិត្តស្នាក់នៅ ជាពិសេសតារារស់នៅម្នាក់ឯង។ ម្យ៉ាងទៀតប្រភេទ ខុនដូ De Castle គឺមានតម្លៃសមរម្យ ចន្លោះពី ២ម៉ឺនដុល្លារ ទៅ ៣ ម៉ឺនដុល្លារ អាចធ្វើឱ្យតារាមួយចំនួនធំមានលទ្ធភាពស្នាក់នៅបាន។

ក្រៅតែពីបុរី និង ខុនដូខាងលើ នៅមានបុរី និង ប្រភេទផ្ទះល្វែងជាច្រើនទៀតក៏មានតារាចូលចិត្តទិញស្នាក់នៅដែរ។ ប្រការធ្វើឱ្យបុរី និង ខុនដូទាំងនេះពេញនិយមពីសំណាក់តារា ព្រោះមានតម្លៃសមរម្យទៅតាមជីវភាពនិមួយៗរបស់ពួកគេ។ ម្យ៉ាងទៀតតារាខ្មែរខ្លះចូលចិត្តរស់នៅក្បែរគ្នា៕