ស្រុកខ្មែររថយន្តគេបែងចែកមាន ៤ ប្រភេទតិចថាមិនដឹង!

2014-12-02 18:10:54
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅកម្ពុជា រថយន្តជាច្រើនប្រភេទកំពុងដាក់លក់យ៉ាងព្រោងព្រាតទាំងនៅតាមឃ្លាំង ឬក្រុមហ៊ុនចែកចាយនានា។ យ៉ាងណាអ្នកធ្វើការលើឧស្សាហកម្មរថយន្ត បានបែងចែករថយន្តដែលពលរដ្ឋកម្ពុជាកំពុងប្រើប្រាស់ជា ៤ ប្រភេទ ទាំងប្រភេទថ្លៃនិងថោក។

លោក ឃុន ចាន់ថា នាយកគ្រប់គ្រងទូទៅផ្នែកលក់និងទីផ្សាររបស់ក្រុមហ៊ុន ហ៊ុងហ៊ាប ជាក្រុមហ៊ុននាំចូលរថយន្តប្រភេទ Mercedes-Benz នៅលើទីផ្សារប្រទេសកម្ពុជាបានឲ្យដឹងថា តាមការសង្កេតរបស់លោក នៅកម្ពុជាមានរថយន្តជាច្រើនប្រភេទកំពុងចរាចរលក់នៅលើទីផ្សារ។ ក្នុងនោះលោកបានបែងចែករថយន្តទាំងនោះជា ៤ ប្រភេទ គឺប្រភេទរថយន្តជជុះក្នុងស្រុក, រថយន្តជជុះក្រៅស្រុក, រថយន្តថ្មី និងរថយន្តថ្មីប្រណិត។

លោកថា អតិថិជនអាចជ្រើសរើសរថយន្តប្រភេទណាមួយខាងលើនេះ អាស្រ័យទៅតាមលទ្ធភាព និងតម្រូវការប្រើប្រាស់ជាក់ស្ដែង។ ប៉ុន្តែយ៉ាងណា លោកថា បច្ចុប្បន្នប្រជាពលរដ្ឋខ្មែរមួយចំនួនកំពុងមាននិន្នាការឆ្ពោះទៅរក ការប្រកួតប្រជែងលើភាពហ៊ឺហា និងស៊ីវិល័យដូចជាការប្រើប្រាស់រថយន្តប្រភេទប្រណិតៗជាដើម។

“រថយន្តប្រណិតៗកាន់តែពេញនិយម ទោះបីតម្លៃថ្លៃជាងរថយន្តថ្មីធម្មតាមួយចំនួនក៏ពិតមែន ប៉ុន្តែដោយសារភាពទំនើប, ភាពទាក់ទាញបានអន្ទងចិត្តអ្នកមួយចំនួនដែលសំបូរធនធាន ចំណាយលុយក្នុងការទិញយកប្រើប្រាស់ ដោយមិនរុញរាចិត្ត”។

ទោះបីយ៉ាងណា លោកបានផ្ដល់យោបល់ថា អតិថិជនមុនសម្រេចចិត្តទិញរថយន្តប្រភេទណាមួយគួរតែពិចារណាលើចំណុច មួយចំនួនដូចជាគុណភាព, ការធានាការប្រើប្រាស់ រួមទាំងការផ្តល់សេវាក្រោយការទិញប្រើប្រាស់ដ៏គួរឲ្យទុកចិត្តពីក្រុមហ៊ុនជាដើម៕

បន្តអាន៖ ជនជាតិខ្មែរឡើងធ្វើជាអគ្គនាយកថ្មីក្រុមហ៊ុនលំដាប់ពិភពលោក RMA ប្រចាំកម្ពុជា

បន្តអាន៖ Smart ចេញមុខជម្រះការចោទប្រកាន់នាំ iPhone ថៃមកលក់

បន្តអាន៖ ចប់យុទ្ធនាការលក់អាវយឺត និស្សិតខ្មែររៀននៅជប៉ុនចាប់ធ្វើក្ដារចុចឆ្លាតវៃលើប្រព័ន្ធ Android

បន្តអាន៖ កំពូលស្មាតហ្វូនទាំង ៤ គីឡូធ្ងន់ហ៊ានតតាំង iPhone 6/6Plus

អត្ថបទ៖ ប៊ុណ្ណារ៉ា