កូរ៉េខាងជើងដាច់អ៊ីនធឺណិតទូទាំងប្រទេស សង្ស័យរងការវាយប្រហារ
- 2014-12-23 22:06:22
- ចំនួនមតិ 0 | ចំនួនចែករំលែក 0
កូរ៉េខាងជើងដាច់អ៊ីនធឺណិតទូទាំងប្រទេស សង្ស័យរងការវាយប្រហារ
ចន្លោះមិនឃើញ
បណ្ដាញអ៊ីនធឺណិតទូទាំងកូរ៉េខាងជើងបានដាច់អស់រយៈពេលជាច្រើនម៉ោង រីឯអ្នកជំនាញអះអាងថាបណ្ដាលមកពីការវាយប្រហារតាម Online។
វិបសាយទាំងអស់រួមទាំងវិបសាយសំខាន់របស់រដ្ឋមួយឈ្មោះ Korean Central News Agency (KCNA) នៅកូរ៉េខាងជើងលែងដំណើរការរយៈពេល៩ម៉ោងកន្លះ ហើយថាការដាច់ប្រព័ន្ធអ៊ីនធឺណិតទូទាំងប្រទេសបែបនេះអាចបណ្ដាលមកពីមានការឈ្លានពានពីសំណាក់ Hacker ណាមួយមិនខានឡើយ (នេះបើតាមប្រសាសន៍របស់អ្នកជំនាញស្រាវជ្រាវការវាយប្រហារ Online របស់កូរ៉េខាងជើង លោក Doug Madory )។
ដោយឡែកចំពោះអ្នកជំនាញជាច្រើនរបស់ក្រុមហ៊ុនផ្គត់ផ្គង់សេវាកម្មអ៊ីនធឺណិតរបស់កូរ៉េខាងជើងមួយទៀតឈ្មោះ Arbor Networks បានឲ្យដឹងកាលពីថ្ងៃសៅរ៍ថា ពួកគេបានរកឃើញការលបវាយប្រហារពីក្រោយខ្នងក្នុងការប្រឆាំងនឹងកិច្ចការអភិវឌ្ឍផ្នែកហេដ្ឋារចនាសម្ព័ន្ធរបស់កូរ៉េខាងជើង។
នេះជាវិបសាយមួយរបស់រដ្ឋ (កូរ៉េខាងជើង) ដែលទើបតែដំណើរការឡើងវិញ
ប៉ុន្តែទោះជាយ៉ាងណាប្រព័ន្ធអ៊ីនធឺណិតបានដំណើរការសាឡើងវិញនៅប៉ុន្មានម៉ោងមុននេះក្ដី វិបសាយមួយចំនួននៅដំណើរការមិនទាន់ស្រួលបួលនៅឡើយទេ ហើយមានអ្នកប្រើប្រាស់តិចតួចប៉ុណ្ណោះដែលអាចប្រើប្រាស់អ៊ីនធឺណិតបាន ក្រោយពេលដែលប្រព័ន្ធអ៊ីនធឺណិតទូទាំងកូរ៉េខាងជើងបានត្រឡប់មកវិញ។
បើនិយាយពីរឿងវាយប្រហារ Online បែបនេះ កូរ៉េខាងជើងកំពុងតែរងការចោទប្រកាន់ជាខ្លាំងពីសំណាក់សហរដ្ឋអាមេរិក ដោយថាប្រទេសនេះជាមេខ្លោងនៅពីក្រោយការវាយប្រហារផលិតកម្មភាពយន្ត Sony Pictures Entertainment កាលពីដើមខែធ្នូនេះ តែត្រូវកូរ៉េខាងជើងបដិសេធ៕
អាន៖ Sony គំរាមប្ដឹង Twitter រឿងលាតត្រដាងទិន្នន័យដែល Hacker បានលួច
ប្រែសម្រួល៖ ប៉ែត ផាន់និត ប្រភព៖ bbc