យុវជនជាង៥០០ នាក់សម្រុកបរិច្ចាគឈាមថ្ងៃនេះ

2014-12-24 23:07:10
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវជន និងសាស្ត្រាចារ្យនៃសាកលវិទ្យាល័យភ្នំពេញអន្តរជាតិ ចន្លោះពី ៥០០ នាក់ទៅ ៦០០ នាក់ បានស្ម័គ្រចិត្តបរិច្ចាគឈាម ដែលជាផ្នែកមួយនៃយុទ្ធនាការប្រចាំឆ្នាំ ដើម្បីជួយសង្គ្រោះអាយុជីវិតមនុស្សពីបញ្ហាកង្វះឈាម។ កម្មវិធីផ្តល់ឈាមនេះ បានចាប់ផ្តើមតាំងពីម៉ោង ៧៖៣០នាទីព្រឹក រហូតដល់ម៉ោង ៧៖៣០ នាទីល្ងាច។

លោកស្រី ទេព កូលាប សាកលវិទ្យាធិការ សាកលវិទ្យាល័យភ្នំពេញអន្តរជាតិបានប្រាប់ Sabay ថា នេះគឺជាលើកទី៤ ហើយ ដែលសាកលវិទ្យាល័យបានរៀបចំកម្មវិធីនេះ ដោយមានកិច្ចសហការជាមួយនឹងក្រុមហ៊ុនមួយចំនួន។ លោកស្រីថា ការផ្តល់ឈាម គឺជាការជួយសង្គ្រោះអាយុជីវិតមនុស្ស ព្រោះ បច្ចុប្បន្នមានករណីគ្រោះថ្នាក់ចរាចរណ៍កើតឡើងញឹកញាប់ ពេលមានតម្រូវការ យើងមិនអាចយកឈាមទើបបរិច្ចាគទៅប្រើបានភ្លាមៗ នោះទេ។ ដូច្នេះប្រសិនគ្មានឈាមជួយសង្គ្រោះ យើងនឹងបាត់បង់ធនធានមនុស្សដ៏សំខាន់សម្រាប់សង្គម។

https://www.youtube.com/watch?v=a_zBcpT1W3E&feature=youtu.be ទន្ទឹមគ្នាដែរលោក ប៊ុន ស្រុង ប្រធានផ្នែករដ្ឋបាល នៃសាកលវិទ្យាល័យភ្នំពេញអន្តរជាតិបានប្រាប់ Sabay កាលពេលថ្មីនេះថា ក្នុងមួយឆ្នាំកម្ពុជាត្រូវការឈាមជាក់ស្តែង ១៥ ម៉ឺនផ្លោក ប៉ុន្តែនៅក្នុងស្តុកមានឈាមត្រឹម៣៦% ប៉ុណ្ណោះ នៃតម្រូវការជាក់ស្តែង។ សាកលវិទ្យាល័យតែងបង្កើតឲ្យមានយុទ្ធនាការ ក៏ដូចជាវប្បធម៌ជួយសង្គ្រោះគ្នាទៅវិញទៅមក។ បើតាមប៊ុន ស្រុង នៅឆ្នាំ១៩៧០ យុវជនជប៉ុនបានទៅបរិច្ចាគឈាម ដោយមិនបាច់អញ្ជើញទេ។ នេះគឺជាស្មារតីជាតិមួយ ហើយសូម្បីប្រទេសឡាវ ក៏មានកង្វះឈាម មិនច្រើនដូចកម្ពុជាដែរ ពោលគឺឡាវមានឈាមក្នុងស្តុកប្រមាណ ៩៦% នៃតម្រូវការជាក់ស្តែង៕