Simon ថាមុនថតឈុតលើគ្រែ ត្រូវប្រាប់ប្រពន្ធសិន

2015-01-13 17:01:11
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Simon Yam ជាតារាសម្ដែងហុងកុងល្បីឈ្មោះមួយរូប។ បើនិយាយពីការសម្ដែង តារាជើងចាស់រូបនេះ មានបទពិសោធន៍ពេញខ្លួន ជាពិសេសឈុតលើគ្រែ។

ទោះបីខ្លួនជាតារាសម្ដែងអាជីពមែន តែមុនរាល់ការសម្ដែងឈុតក្ដៅសាច់ Simon តែងរាយការណ៍ឱ្យអ្នកស្រី Qi Qi ដែលជាប្រពន្ធដឹងជាមុនសិន។ តារាពូកែដាក់អារកម្មណ៍ Simon បញ្ជាក់ទៀតថា ត្រង់ចំណុចនេះ ប្រពន្ធរបស់លោកបានយល់ហើយ។

កាលពីខែធ្នូកន្លងមក បណ្ដាញសារព័ត៌មាន បានចុះផ្សាយវីដេអូ Trailer រឿងថ្មីមានចំណងជើងថា “Sara” សម្ដែងដោយ Simon ។ ភាពយន្តនោះ លោកនិងនាង Charlene Choi បានសម្ដែងរួមគ្នា ដោយមានឈុតស្នេហាដុតអារម្មណ៍ ឱ្យពុះកញ្ជ្រោលជាច្រើនឈុត។ បើចង់មើលវីដេអូចុចត្រង់នេះ។

តួប្រុសខាងលើបន្ថែមថា ក្នុងរឿង “Sara” ឈុតផ្អែមល្ហែមមានសភាពខ្លាំងក្លាពេក ម្ល៉ោះហើយលោកនឹងហាមមិនឱ្យកូនស្រីមើលឡើយ។

Simon Yam កើតនៅថ្ងៃទី១៩ ខែមិនា ឆ្នាំ១៩៥៥។ លោកជាតារាសម្ដែង ផលិតករ ហុងកុងជើងចាស់ ដែលមានកេរ្តិ៍ឈ្មោះល្បីទាំងនៅប្រទេសចិន និងបរទេស។ លោកបានប្រលូកក្នុងវិស័យសិល្បៈតាំងពីឆ្នាំ ១៩៧៧ រហូតបច្ចុប្បន្ន៕