Falcao អាចនឹងចេញពី Man Utd ពេលចប់រដូវកាលនេះ
- 2015-01-14 16:12:30
- ចំនួនមតិ 0 | ចំនួនចែករំលែក 0
Falcao អាចនឹងចេញពី Man Utd ពេលចប់រដូវកាលនេះ
ចន្លោះមិនឃើញ
Radamel Falcao អាចនឹងចាកចេញពីក្រុម Manchester United នៅពេលចប់រដូវកាលនេះ ហើយមិនទៅលេងនៅ Monaco វិញនោះទេ ពោលគឺអាចនឹងទៅក្លិបដែលល្បីជាងបិសាចក្រហមទៅទៀត។ នេះបើយោងតាមការឲ្យដឹងពីភ្នាក់ងាររបស់កីឡាករកូឡុំប៊ីរូបនេះ។
លោក Jorge Mendes ដែលជាភ្នាក់ងាររបស់ខ្សែប្រយុទ្ធ Falcao បាននិយាយពីអនាគតរបស់កីឡាករជម្រើសជាតិកូឡុំប៊ីរូបនេះថា ទៅថ្ងៃមុខទៅគ្មាននរណាដឹងពីអនាគតនោះទេ ប៉ុន្តែកីឡាករវ័យ២៨ឆ្នាំរូបនេះមិនទៅលេងនៅក្លិប Monaco វិញឡើយ។ បន្ថែមពីលើនេះ លោក Mendes បានបន្តថា៖ “វាជារឿងពិបាកទទួលយកដែរ សម្រាប់អ្នកគាំទ្របិសាចក្រហម ខណៈដែលមានកីឡាករល្អជាងគេលើលោកទៅហើយ តែបែរជាមិនយកនោះ។ អ្វីដែលខាងខ្ញុំដឹងច្បាស់នាពេលនេះនោះគឺ Falcao នឹងចុះកុងត្រាលេងជាមួយក្លិបខ្លាំងល្អជាងគេលើលោកពេលចប់រដូវកាលនេះ តែមិនទាន់ច្បាស់ថាជា Manchester United ឬអត់នោះទេ”។
យ៉ាងណាមិញ ចំពោះរឿងនេះដែរ លោក Van Gaal អ្នកចាត់ការក្រុម Man Utd ក៏បាននិយាយដែរថា ប្រសិនបើអតីតខ្សែប្រយុទ្ធក្រុម Atletico Madrid រូបនេះចង់លេងឱ្យបាន៩០នាទី និងជាប់ជម្រើសដំបូងនោះ រូបគេត្រូវតែប្រឹងហ្វឹកហាត់ជារៀងរាល់ថ្ងៃ និងព្យាយាមដោយខ្លួនឯងដើម្បីបង្ហាញថាខ្លួនពិតជាកីឡាករម្នាក់ដែលក្រុមត្រូវការមែន។
លោក Van Gaal បានខ្ចីជើង Falcao ពីក្រុម Monaco មួយរដូវកាលក្នុងតម្លៃខ្លួន៦លានផោន (៩លានដុល្លារអាមេរិក) ខណៈដែលពាក់កណ្ដាលរដូវកាលនេះទៅហើយ រូបគេអាចជួយក្រុមរកគ្រាប់បាល់បានតែ៣គ្រាប់ប៉ុណ្ណោះ។ នេះជាមូលហេតុដែលបានធ្វើឱ្យអតីតអ្នកចាត់ការក្រុមជម្រើសជាតិហុល្លង់ ពិបាកនឹងសម្រេចចិត្តទិញយកខ្សែប្រយុទ្ធខាងលើនេះឬក៏អត់។ មួយវិញទៀតនោះ ប្រសិនបើបិសាចក្រហមចង់ទិញយករូបគេដាច់តែម្ដងនោះគឺត្រូវចំណាយដល់ទៅ៤០លានផោន (៦០,៦លានដុល្លារអាមេរិក) ឯណោះ ទើបក្លិប Monaco ព្រមលក់៕
ចុចអាន៖ Falcao ថាចង់បន្តនៅ Man Utd ខ្លាំងណាស់
ប្រែសម្រួល៖ មុន្នី រម្យ ប្រភព៖ BBC