ប៊ុន ផៃលីន យប់មិញ បណ្ដើរលោកផ្កាយ ៣

2015-01-22 19:11:05
ចំនួនមតិ 0 | ចំនួនចែករំលែក 0

ចន្លោះមិនឃើញ

យប់មិញនេះ តារាសិចស៊ី ប៊ុន ផៃលីន ត្រូវបាន នាង សេង សូណា ដែលល្បីខាងដើមទ្រូងដូចគ្នា អញ្ជើញមកចូលរួមខួបកំណើត។ ថៃលីន បានបណ្ដើរបុរសម្នាក់វ័យជាង ៤០ ឆ្នាំ ស្ដើង ដោយនាងអះអាងថា បុរសនោះមានឋានន្តរសក្ដិពាក់ផ្កាយ៣។

http://youtu.be/vc-4k4YcWms

ប៊ុន ផៃលីន គ្រាន់តែឃើញអ្នកកាសែតភ្លាម បានស្រវេស្រវា យកកាបូបបិទមុខ រត់ចេញពីបុរសដែលនាងបណ្ដើរ ទៅចូលក្នុងបន្ទប់ទឹក។ មួយសន្ទុះក្រោយមកក៏ ចេញមកវិញ ក្រោយមកត្រូវបានក្រុមអ្នកសារព័ត៌មានជជីកសួរពីស្នេហារបស់នាង ដែលកន្លងមកល្បីថា មានបុរសចំណាស់ម្នាក់រស់នៅប្រទេសអូស្ត្រាលី គ្រោងរៀបការធានាយកទៅរស់នៅទីនោះ ប៉ុន្តែក្រោយមកក៏បាត់ដំណឹងឈឹង ហើយបែរជាបណ្ដើរអ្នកផ្សេងទៅវិញ។

ឆ្លើយតបទៅនឹងអ្នកសារព័ត៌មាន ផៃលីន បានប្រាប់ថា បុរសនៅអូស្ត្រាលីដែលបានស្គាល់គ្នាច្រើនឆ្នាំមកហើយនោះ បានដាច់គ្នាហើយ មូលហេតុដែលនាំឲ្យផ្ដាច់ទំនាក់ទំនង ក៏ព្រោះតែបុរសនោះ និយាយមិនពិត រាល់ការសន្យាម្ដងៗ មិនអាចធ្វើបានឡើយ។

ចំពោះ បុរសម្នាក់វ័យជាង ៤០ ឆ្នាំស្ដើង ដែលនាងបណ្ដើរយប់មិញនេះ ផៃលីន ប្រាប់ថា បុរសនោះពាក់ផ្កាយ ៣ ជាមិត្តភ័ក្ដិនឹងគ្នាប៉ុណ្ណោះ មិនជាប់ពាក់ព័ន្ធរឿងស្នេហានោះឡើយ។ ផៃលីន ថា ស្គាល់លោកផ្កាយ ៣ នេះជាច្រើនឆ្នាំមកហើយ។

នាងលើកឡើងថា មិនចង់រំលឹករឿងបុរសក្រៅស្រុកទៀតទេ ក្នុងឆាកជីវិតរបស់នាងប្រហែលជាគ្មានសំណាងបានទៅរស់នៅក្រៅប្រទេសឡើយ។ ផៃលីន បានព្រលយពាក្យទាំងអស់សំណើចថា ប្រុសៗក្នុងស្រុក មិនចេះខ្វះ ចាំមើលដល់គូថ្ងៃណាថ្ងៃ នោះទៅ៕