សេង សូណា គ្រងឈុតកូនក្រមុំ អត់មានកូនកំលោះ
- 2015-01-22 18:13:00
- ចំនួនមតិ 0 | ចំនួនចែករំលែក 0
សេង សូណា គ្រងឈុតកូនក្រមុំ អត់មានកូនកំលោះ
ចន្លោះមិនឃើញ
តារាសិចស៊ី សេង សូណា ល្ងាចមិញនេះ បានធ្វើខួបកំណើតគម្រប់ ២៥ ឆ្នាំរបស់ខ្លួន ប៉ុន្តែអ្វីដែលចម្លែកតារាស្រីល្បីខាងដើមទ្រូងទ្រលុកទ្រលន់ម្នាក់នេះ បែរជាស្លៀកឈុតកូនប្រមុំទៅវិញ ហើយមិនមានកូនកំលោះឡើយ។
http://youtu.be/M2gTrjFU0Hg
សូណា បានធ្វើឲ្យភ្ញៀវ ដែលអញ្ជើញទៅពិសាអាហារនៅភោជនដ្ឋានស្ទឹងមាស ដែលមានទីតាំង នៅក្បែរវត្ត កៀនឃ្លាំង មានការងឿងឆ្ងល់គ្រប់គ្នា ដោយសារតែការស្លៀកឈុតកូនក្រមុំ ដោយមិនមានកូនកំលោះ។ ជាមួយគ្នានោះនាង បានផ្ដិតរូបសិចស៊ីរបស់នាងចំនួន ២ ផ្ទាំងធំៗ ដាក់អមច្រកចូល និង មានពិធីកាត់នំ ថ្លែងអំណរគុណ ឪពុកម្ដាយ សុំខមាទោស ដូចទៅនឹងកម្មវិធីអាពាហ៍ពិពាហ៍ដែរ។
សេង សូណា បានប្រាប់ថា មូលហេតុដែលនាំឲ្យនាង ធ្វើបែបនេះ ក៏ព្រោះតែនាងចង់ធ្វើឲ្យប្លែកពីគេ និង ម្យ៉ាងទៀត ដោយសារតែឃើញ អ្នកសិល្បៈមួយចំនួនបានរៀបការជាច្រើន ហើយនាងចង់រៀបការដូចគេដូចឯងដែរ។ ទោះបីជាចង់រៀបការ រហូតដាច់ចិត្តធ្វើបែបនេះក្ដី ប៉ុន្តែសេង សូណា បញ្ជាក់ប្រាប់ថា បច្ចុប្បន្ន នាងមិនទាន់រកឃើញអ្នកដែលយល់ចិត្តយល់ថ្លើមនៅឡើយទេ។
ចំពោះរូប ២ ផ្ទាំងដែលនាង បានយកមកតាំងបង្ហាញនេះ ត្រូវបាន សូណា បញ្ជាក់ថា រូបទាំងនេះហើយ ដែលធ្វើឲ្យនាងល្បី មកដល់បច្ចុប្បន្ន ហើយនាងស្រលាញ់វាខ្លាំងណាស់។ សូណា បានអញ្ជើញភ្ញៀវជាង ២០០ នាក់ ប៉ុន្តែភ្ញៀវដែលអញ្ជើញមកពិតប្រាកដ មិនគ្រប់ចំនួនឡើយ ពោលគឺបានតែពាក់កណ្ដាល នៃគម្រោង។ បែបនេះក្ដី នាង មិនខ្វល់រឿងខាតចំណេញឡើយ។ តារាស្រីម្នាក់នេះប្រាប់ថា កម្មវិធីខួបរបស់នាងនេះមិនមាន អ្នកណានៅពីក្រោយខ្នងឡើយ គឺម្ដាយឪពុកនាងជាអ្នករៀបចំឲ្យទាំងអស់៕
សូមចុចអាន៖ រឿង ”ហនុមាន”ចេញTrailerផ្លូវការហើយ វ៉ៃមិនចាញ់រឿងចិនហុងកុង
សូមចុចអាន៖ សេង សូណា ៖ ខ្ញុំប៉ុណ្ណឹងបញ្ចេញមិនទាន់អស់ទេ
អត្ថបទ៖ ខុត សីហា