Jonghyun ក្រុម SHINee សម្រុកការងារពេកមួយថ្ងៃគេងបានតែពីរម៉ោង

2015-01-23 13:00:12
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាជិកក្រុមចម្រៀងកូរ៉េខាងត្បូង SHINee Jonghyun បានសារភាពនាពេលថ្មីៗនេះថា ខ្លួនគេងជាមធ្យមបានតែ ២ម៉ោងប៉ុណ្ណោះក្នុងមួយថ្ងៃ តាំងពីចាប់ផ្ដើមសកម្មភាពជាតារាចម្រៀងទោលមក។

Jonghyun បាននិយាយបែបនេះ នៅពេលចូលរួមកម្មវិធី “Rising Star Special” របស់វិទ្យុ MBC FM4U កាលពីថ្ងៃទី២២ ខែមករា ម្សិលមិញ។ នៅពេលពិធីករ Kim Shin Young សួរអំពីការងារមមាញឹកនាពេលបច្ចុប្បន្ន តារាវ័យ ២៤ឆ្នាំរូបនេះ និយាយថា "មួយរយៈនេះទាល់តែម៉ោង ៩ព្រឹកអី ទើបខ្ញុំបានសម្រាក។ ក្រោយពីចប់ការងារផ្សេងៗនៅម៉ោងប្រហែល ២យប់ ខ្ញុំហាត់សម និងហាត់ប្រាណទល់ភ្លឺ។ ថ្ងៃនេះខ្ញុំគេងតែ ២ម៉ោងគត់។ មួយរយៈនេះខ្ញុំមិនសូវបានគេងទេ ដូច្នេះ ២ម៉ោងចាត់ទុកថាច្រើនបំផុតហើយសម្រាប់ខ្ញុំ"។

Jonghyun ក៏បានឲ្យដឹងដែរថា មូលហេតុមួយទៀតដែលគេគេងតែពីរម៉ោងក្នុងមួយថ្ងៃ គឺដោយសារបច្ចុប្បន្នគេមានជំងឺអត់ងងុយ។

ថ្មីៗនេះ Jonghyun ទើបតែចេញអាល់ប៊ុមទោលដំបូង “Base” ដែលបទចម្រៀងនាំមុខគឺបទ “Crazy”។ នេះជាលើកដំបូងហើយដែលតារារូបនេះបានចេញអាល់ប៊ុមចម្រៀងផ្ទាល់ខ្លួនតែម្នាក់ឯង បន្ទាប់ពីចូលក្រុម SHINee តាំងពីឆ្នាំ២០០៨ ៕

http://youtu.be/6yIDkbbdOoE