៣ ពុម្ពអក្សរខ្មែរយូនីកូដស្នាដៃរបស់កូនខ្មែរមួយណាត្រូវចិត្តប្រិយមិត្ត?

2015-02-10 18:15:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ការខិតខំប្រឹងប្រែងរបស់កូនខ្មែរមួយរូបក្នុងការបង្កើតម៉ូតពុម្ពអក្សរខ្មែរយូនីកូដថ្មីចំនួន ៣ បន្ថែមដើម្បីតម្រូវចិត្តប្រិយមិត្តដែលស្រលាញ់ពុម្ពអក្សរខ្មែរយកទៅប្រើប្រាស់លើកុំព្យូទ័រ និង ឧបករណ៍ Android ។

លោក ឆូយ ប៊ុនសុខហេង អ្នកអភិវឌ្ឍពុម្ពអក្សរមួយរូប បានឲ្យដឹងថា ពុម្ពខ្មែរយូនីកូដសព្វថ្ងៃលោកបានបង្កើតបាន ៣ ហើយគឺមានឈ្មោះថា "អាយកម្ពុជា"។

យុវជនរូបនេះបន្តថា ដោយសារការស្រលាញ់ភាសាជាតិទើបលោកខិតខំប្រឹងប្រែងធ្វើពុម្ពអក្សរខ្មែរនេះឡើងទោះបីការងាររវល់យ៉ាងណាក៏លោកឆ្លៀតពេលរៀបចំឲ្យរួចរាល់ដែរ។ លោកបានបន្ថែមថា បន្ទាប់ពី ៣ ម៉ូតនៃពុម្ពអក្សរនេះគឺលោកកំពុងតែបន្តធ្វើម៉ូតពុម្ពអក្សរខ្មែរផ្សេងៗបន្ថែមទៀតដើម្បីជាតម្រូវការរបស់ប្រិយមិត្តដែលមានចិត្តស្រលាញ់ម៉ូតពុម្ពអក្សរខ្មែរខុសៗគ្នា។

*អាយកម្ពុជា ០០១ ពុម្ពអក្សរមួយនេះមានឈ្មោះថា «iKampuchea001_O'Chrov.ttf» ដែលបានចម្លងគំរូធ្វើឡើងតាមពុម្ពអក្សរ «ប្រជុំចម្រៀងសម័យ» ដែលជាពុម្ពអក្សរបានសរសេរ ឆ្លាក់លើគម្របថាសចម្រៀង ពីសង្គមចាស់មក។ លោកថា លោកបានសម្រេចចិត្តធ្វើពុម្ពអក្សរលើទី១របស់លោកនេះ ជាលក្ខណៈជ្រុង មានជ្រុងខ្លះកោង និង បានកែឆ្នៃ កាត់តរួមបញ្ចូលគ្នានឹងពុម្ពអក្សរ AKbalthom Ream.ttf របស់នៅសំណាង ។

ពុម្ពអក្សរខ្មែរយូនីកូដថ្មីមួយនេះអាចប្រើប្រាស់បានលើ Microsoft Office, Photoshop CS4, CS5, CS6 ជាដើម។ កាលបរិច្ឆេទផលិត ២៥ កក្កដា ២០១៤។ ចុចត្រង់នេះដើម្បីទាញយក...

*អាយកម្ពុជា ០០២ ពុម្ពអក្សរនេះមានឈ្មោះថា «iKampuchea002_KhmerFeeling» គឹបានទាញយកមកពីពុម្ពអក្សរ Limon របស់ សូន មៃសុផានិត ហើយបង្កើតរួចម្ដងហើយនូវកំណែ ១.០ ក្នុងឆ្នាំ២០១៤ ប៉ុន្តែដោយមានបញ្ហាខុសឆ្គងជាមួយការវាយ និងខុសតួអក្សរផងនោះ ទើបខ្ញុំចាប់ផ្ដើមធ្វើម្ដងទៀតជាកំណែ ១.១ថ្មី ក្នុង២០១៥។ ពុម្ពអក្សរខ្មែរយូនីកូដថ្មីមួយនេះអាចប្រើប្រាស់បានលើ Microsoft Office, Photoshop CS4, CS5, CS6 ជាដើម។ ចុចត្រង់នេះដើម្បីទាញយក...

*អាយកម្ពុជា ០០៣ ពុម្ពអក្សរខ្មែរនេះឈ្មោះថា ikampuchea003_Digital_Ninja លោកបានបង្កើតតាំងពីចុងឆ្នាំ២០១៤ ហើយលោកទើបតែកែសម្រួលឡើងវិញ ទំហំ កម្ពស់ និងគម្លាតរបស់វាឡើងវិញទាំងអស់។

ពុម្ពអក្សរនេះសម្រាប់យកប្រើប្រាស់ទៅតាមតម្រូវការមួយចំនួនដូចជាការបន្ថែមអក្សររចនាលើរូបភាពធ្វើក្របសៀវភៅ និងខិត្តប័ណ្ណជាដើម ហើយអាចប្រើប្រាស់បានលើ Microsoft Office, Photoshop CS4, CS5, CS6។ កាលបរិច្ឆេទផលិត ២០ សីហា ២០១៤ ចុចត្រង់នេះដើម្បីទាញយក...