តារាល្បីឈ្មោះ ១២ដួងនឹងបង្ហាញឈុតទឹកប៊ិកសុទ្ធថ្ងៃបើកសម្ពោធ Domino's Pizza

2015-02-10 23:01:14
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាល្បីៗស្រី-ប្រុសចំនួន ១២ដួងនឹងស្លៀកឈុតទឹកប៊ិកសុទ្ធនាថ្ងៃបើកសម្ពោធហាង Domino's Pizza នាល្ងាចថ្ងៃទី ១២ ខែកុម្ភៈ ឆ្នាំ២០១៥ ខានស្អែកនេះ។

លោក យ៉ែម សំអូន ជាអ្នកដឹកនាំក្រុម Dara Entertainment បាននិយាយថា ក្រុមរបស់លោកនឹងប្រើឈុតពណ៌ទឹកប៊ិកទាំងអស់ដើម្បីចូលរួមថ្ងៃបើកសម្ពោធហាង Domino's Pizza ដែលជាយីហោទើបនាំចូលមកពីសហរដ្ឋអាមេរិក។

តារាស្រី-ប្រុសទាំង ១២ដួងមានដូចជា ចន ច័ន្ទលក្ខិណា ញ៉ែម សុគន្ធ ម៉ាក សែនសូនីតា រតនៈ ពិសិដ្ឋ ទឹម រដ្ឋា អេឡិច ច័ន្ទត្រា នី មុន្នីនាថ សាយ សៀរ៉ា គង់ ចាន់ស្រីមុំ គឹម សីហា យ៉ាន លីនដា និងលោក យ៉ែម សំអូន។

អេឡិច ច័ន្ទត្រា អាចនឹងចាប់ដៃគូជាមួយ ទឹម រដ្ឋា ថ្ងៃបើកសម្ពោធ Domino's Pizza

ក្រុម Dara Entertainment ជាក្រុមថ្មីទើបបង្កើតដឹកនាំដោយលោក យ៉ែម សំអូន ទទួលរៀបចំធ្វើគ្រប់កម្មវិធីសិល្បៈទាំងអស់ ទាំងកម្មវិធីមង្គលការ ខួបកំណើតគ្រប់ខេត្ត-ក្រុង។

ក្រៅតែពីបង្ហាញសំលៀកបំពាក់ឈុតទឹកប៊ិកសុទ្ធ តារាចម្រៀងរូបនេះប្រាប់ថា ក្រុម Dara Entertainment របស់លោកអាចនឹងមានសកម្មភាពផ្សេងទៀត អាស្រ័យទៅលើការប្រែប្រួលពីអ្នករៀបចំកម្មវិធី។

Domino's Pizza ជាហាងថ្មីមួយបម្រើអាហារភីហ្សារសជាតិលំដាប់អន្តរជាតិ ទើបនាំចូលមកពីសហរដ្ឋអាមេរិក ដោយក្រុមហ៊ុន CBM Corporation។ ហាងនេះស្ថិតនៅលើបណ្ដោយផ្លូវ ប៉ាស្ទ័រ (51) កែងនឹងផ្លូវ 288 ក្នុងខណ្ឌចម្ការមន រាជធានីភ្នំពេញ។ តារាខ្មែរលំដាប់ៗ ១២ ដួងនឹងចូលរួមបើកសម្ពោធហាងលំដាប់អន្តរជាតិមួយនេះនៅថ្ងៃទី ១២ ខែ កុម្ភៈ ឆ្នាំ ២០១៥ ខានស្អែកនេះ៕

អានអត្ថបទបន្ត៖ កូនប្រុស នាយ ឆើត៖ “ខ្ញុំសុខចិត្តក្រ ប៉ុន្តែ មិនឱ្យប្រុសដូចគ្នា

អានអត្ថបទបន្ត៖ យ៉ាដាវ ប្រឆាំងមិត្តភ័ក្ដិរឿងនៅសុខៗឲ្យកែដើមទ្រូង

អានអត្ថបទបន្ត៖ មាន សូនីតា មិនចាប់អារម្មណ៍ធ្វើខួបកំណើតធំដុំដូចតារាផ្សេង