សុគន្ធកញ្ញាថា វត្តមាន Domino's Pizza គឺជា មោទនភាពថ្មីរបស់ប្រជាជនកម្ពុជា

2015-02-13 15:52:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ឱក សុគន្ធកញ្ញា និយាយថា វត្តមានរបស់ Domino's Pizza គឺជា មោទនភាពថ្មីមួយទៀតសម្រាប់ប្រជាជនកម្ពុជានឹងទទួលបានរសជាតិឆ្ងាញ់ប្លែកជាងពីមុន។ តារាចម្រៀងល្បីឈ្មោះរូបនេះ និយាយដូច្នេះក្នុងពិធីបើកសម្ពោធជាផ្លូវការហាង Domino's Pizza យប់មិញ ជាយីហោទើបនាំចូលពីសហរដ្ឋអាមេរិក។

ឱក សុគន្ធកញ្ញា ក្នុងពិធីសម្ពោធ Domino's Pizza យប់មិញ

ឡើងថ្លែងសន្ទរកថា ក្នុងនាមជាឯកអគ្គរាជទូតសុច្ឆន្ទៈរបស់ភេសជ្ជៈ Coca-Cola តារាចម្រៀងឈានមុខក្នុងផលិតកម្ម រស្មីហង្សមាសលើកឡើងថា៖ "ខ្ញុំរំភើបសម្រាប់វត្តមានបើកសម្ពោធហាង Domino's Pizza ពេលនេះ។ មិនមែនតែខ្ញុំទេមានមោទនភាព ប្រជាជនកម្ពុជាទាំងមូលក៏មានមោទនភាពដូចគ្នាពេលទទួលបានរសជាតិថ្មីប្លែកដូច្នេះ"។

ឱក សុគន្ធកញ្ញា ស្នើឱ្យប្រជាជនខ្មែរទាំងមូល ជាពិសេសមិត្តៗយុវវ័យចូលរួមភ្លក់រសជាតិ ក៏ដូចជាគាំទ្រយីហោថ្មីទើបនាំចូលពី សហរដ្ឋអាមេរិក។ ក្នុងនោះ កញ្ញា ក៏ស្នើឱ្យជួយគាំទ្រផលិតផល Coca-Cola ដែលខ្លួនកំពុងតែធ្វើជាតំណាងឯកអគ្គរាជទូតសុច្ឆន្ទៈផងដែរ។

ក្រៅតែពីវត្តមានតារាចម្រៀងល្បីឈ្មោះ ឱក សុគន្ធកញ្ញា នៅក្នុងពិធីបើកសម្ពោធជាផ្លូវការ Domino's Pizza យប់មិញ ក៏មានតារាល្បីៗជាច្រើនរូបទៀតអញ្ជើញចូលរួមដែរ ដើម្បីញាំងឱ្យកម្មវិធីទាំងមូលកាន់តែមានភាពអធិកអធម៕