ធ្លាយរូបមិនទាន់កែរបស់ Beyonce ផ្សព្វផ្សាយគ្រឿងសម្អាងឲ្យ Fanស្រឡាំងកាំង

2015-02-19 16:35:10
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបភាពរបស់កំពូលតារាចម្រៀងអាមេរិក Beyonce មិនទាន់កែ ពេលផ្សព្វផ្សាយឲ្យផលិតផលគ្រឿងសម្អាង L'Oreal កាលពីឆ្នាំ ២០១៣ ជាង ២០០ សន្លឹកបានបែកធ្លាយនៅលើគេហទំព័រប្រិយមិត្តរបស់នាងមួយឈ្មោះថា "The Beyonce World”។ រូបទាំងនោះបានធ្វើឲ្យ Fan របស់នាងស្រឡាំងកាំង និងជជែកយ៉ាងផុលផុសនៅលើ Twitter។

រូបភាពទាំងប៉ុន្មានសន្លឹករបស់តារាចម្រៀងវ័យ ៣៣ ឆ្នាំ បង្ហាញពីស្បែកគ្រើម និងឃើញមុនច្បាស់ៗដោយអន្លើបើទោះជាផាត់ម្សៅទ្រនាប់មួយជាន់ហើយក្ដី។ វាផ្ទុយគ្នាស្រឡះនឹងរូបភាពផ្សព្វផ្សាយផលិតផល L'Oreal ដែលបានកែហើយ។

រូបភាពមុន និងក្រោយកែក្នុង Photoshop របស់ Beyonce

ទោះជាយ៉ាងណា ក្រោយបង្ហោះបានបន្តិចគេហទំព័រខាងលើបានដករូបភាពទាំងនោះចេញវិញភ្លាមៗ។ ម្ចាស់បទ "Drunk in Love” មិនបានចេញមុនមកបញ្ជាក់លើរឿងនេះនៅឡើយទេ។

តែអ្វីដែលអ្នកឃើញច្បាស់នៅពេលនេះ គឺតារាសំណព្វចិត្តរបស់អ្នកក៏គ្មានអ្វីខុសពីមនុស្សទូទៅដែរគឺមានស្បែកគ្រើម និងស្នាមមុនដូចគ្នាបើគ្មាន make-up ទេនោះ។ មើលរូបភាពលេចធ្លាយរបស់នាងខាងក្រោម៖