យុវវ័យយល់ឃើញខុសគ្នាលើការជ្រើសរើសស្មាតហ្វូន
- 2015-02-27 16:45:33
- ចំនួនមតិ 0 | ចំនួនចែករំលែក 0
យុវវ័យយល់ឃើញខុសគ្នាលើការជ្រើសរើសស្មាតហ្វូន
ចន្លោះមិនឃើញ
សព្វថ្ងៃមានស្មាតហ្វូនជាច្រើនសម្រុកវាយលុកទីផ្សារកម្ពុជាប្រជែងគ្នា តែទទួលបានការចាប់អារម្មណ៍និងការគាំទ្រខុសៗគ្នា។ ចុះអ្នកប្រើប្រាស់មានការចាប់អារម្មណ៍ ក្នុងការជ្រើសរើសស្មាតហ្វូនយ៉ាងម៉េចវិញ?
លោក សម្អាង មុនីរត័្ន មន្រ្តីយោធាមួយរូបបានឲ្យដឹងថា សម្រាប់រូបលោកបើសិនជាលោកត្រូវការទិញស្មាតហ្វូនមួយគឺមិនសូវខ្វល់ពីរូបរាងប៉ុន្មានទេ អ្វីដែលសំខាន់នោះតម្លៃធូរថ្លៃ។
"អាណាល្បីលេខ ១ អីថ្លៃហើយ។ សម្រាប់ខ្ញុំសំខាន់ឲ្យតែប្រើបានដូចជាថតបាន ស្ដាប់ចម្រៀង លេងអ៊ីនធឺណិតតិចតួចប៉ុនហ្នឹងគឺគ្រប់គ្រាន់ហើយ"។
បែរយុវជន ង៉ែត សំណាង កំពុងនិយាយលេងជាមួយមិត្តភ័ក្ដិនៅតាមបណ្តោយមាត់ទន្លេប្រាប់ Sabay ដែរថា លោកមុននឹងទិញស្មាតហ្វូនមួយសំខាន់គឺគុណភាព។ បើទិញប្រើបានតែប៉ុន្មានថ្ងៃទិញនាំតែខាតលុយធ្វើអី ហើយសម្រាប់តម្លៃគឺមិនសំខាន់ទេ ព្រោះលោកគិតថារបស់ដែលមានគុណភាពល្អគឺតែងតែថ្លៃ។ មួយវិញទៀតត្រូវប្រៀបធៀបម៉ាកថាតើម៉ាកណាដែលប្រើទៅពិតជាធុនប្រើបានយូរដូចជា ថ្មកាន់ល្អ មិនគាំង និង ដំណើរការលឿន។
ចំណែកយុវតី វណ្ណ នីតា និស្សិតពេទ្យនៃសាកលវិទ្យាល័យចេនឡា ក៏បានបន្ថែមយោបល់ខ្លះៗជុំវិញបញ្ហានេះដែរថា៖ "បើតាមគំនិតខ្ញុំ សម្រាប់អ្នកមានលុយគឺ ភាគច្រើនគេគិតលើ ម៉ាក , រូបរាង , គុណភាព មុននឹងទិញស្មាតហ្វូនណាមមួយប្រើ តែសម្រាប់អ្នកមិនសូវធូរធារដូចខ្ញុំបានត្រឹមរូបរាងគួរសម និងប្រព័ន្ធកម្មវិធីដំណើរការស្រួលទៅបានហើយ"។
ចុចអាន៖ Mobile Camp 2015 នាំការអភិវឌ្ឍកម្មវិធីទូរសព្ទថ្មីៗជួយសង្គម
អត្ថបទ៖ ដារ៉ឆានី
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
