ឃើញអីចឹង តិចច្រឡំថាអីផ្សេងទៅ តារាចម្រៀងក្របមុខស្មោះ

2015-03-13 16:46:56
ចំនួនមតិ 0 | ចំនួនចែករំលែក 0

ចន្លោះមិនឃើញ

មុខសុទ្ធតែធ្យូង សក់សំបុកមាន់ មាឌ និង កម្ពស់សមល្មមបុរសម្នាក់នេះ មានឈ្មោះថា សិង្គ នរៈស័ក្តិ វ័យ ១៩ ឆ្នាំ គឺជា តារាចម្រៀងថ្មីប្រចាំផលិតកម្មរស្មីស្ទឹងសែន។

លោក សិង្គ នរៈស័ក្តិ មានកំណើត មកពីខេត្ត សៀមរាម ដោយសារតែមាននិស្ស័យខាងសិល្បៈ បុរសម្នាក់នេះ បានព្យាយាមស្វះស្វែង ដើម្បីបានប្រលូកក្នុងវិថីនេះ។ នរៈស័ក្តិ បានប្រាប់ថា លោកធ្លាប់បានដាក់ពាក្យប្រលងកម្មវិធីប្រលងចម្រៀងច្រើនលើក ប៉ុន្តែ មិនទទួលបានជយលាភីម្ដងណាឡើយ។ ចំពោះ សក់កន្ទ្រើងសំបុកមាន់ លោកបានបញ្ជាក់ថា គឺជា សក់កំណើត មិនមែនជាសក់ក្លែងក្លាយនោះឡើយ។

ការមានឱកាសបានក្លាយជា តារាចម្រៀងក្នុងផលិតកម្ម រស្មីស្ទឹងសែន នរៈស័ក្តិ និយាយថា ចូលតាមរយៈមិត្តភ័ក្ដិ ជាអ្នកណែនាំ ដោយមកទល់បច្ចុប្បន្នបានចូលច្រៀងកន្លះឆ្នាំហើយ។ លោកបានរៀបរាប់ឲ្យដឹងថា តាមគម្រោងផលិតកម្មត្រៀមរៀបចំបទចម្រៀងឲ្យលោកជាច្រើន ប៉ុន្តែ បច្ចុប្បន្ននេះ ទើបមានតែ ៤ បទ ប៉ុណ្ណោះ ដែលសុទ្ធតែជាបទបែបកំប្លែងៗ ក្នុងនោះមាន បទ បងក្រញាញ់តែចិត្តល្អ, ស្នេហ៍អូនគ្មានថ្ងៃសាវា, មិនស្អាតតែចិត្តបាន, និង បទ ប្រពន្ធខ្ញុំខ្លាប្រពន្ធឯងតោ។

ក្រៅពីច្រៀង នរៈស័ក្តិ គឺជា បុគ្គលិកក្នុងផលិតកម្មខាងលើតែម្ដង ប៉ុន្តែ ដោយសារតែបច្ចុប្បន្នលោកនៅខ្វះជំនាញ និង បទពិសោធន៍ តារារូបនេះប្រាប់ថា បច្ចុប្បន្នកំពុងរៀនជំនាញខ្លីបន្ថែម ដូចជា កាត់វីដេអូ និង ថតរូប ជាដើម។

នរៈស័ក្តិ មិនហ៊ានរំពឹងទុកថា ប្រជាប្រិយភាពរបស់លោកនិងទៅយ៉ាងណាឡើយ ព្រោះបទចម្រៀងនៅមិនទាន់ដាក់លក់នៅលើទីផ្សារ គឺ នៅចុងខែ មីនា ទើបចេញលក់។ តែបែបណាក្ដី លោកបានប្ដេជ្ញាថា និង ខំប្រឹងបន្ថែមឲ្យអស់ពីសមត្ថភាព ព្រោះអាជីពជាតារាចម្រៀងនេះ គឺជា បំណងប្រាថ្នារបស់លោកតាំងតែពីដឹងក្ដីមកម្ល៉េះ៕

អានអត្ថបទ៖ Peypey Dy ស្ទុះមិនរួច ពីរឿងឡប់ៗ អានអត្ថបទ៖ មង្គលការសេដ្ឋីខ្មែរ គិត ម៉េង អ្នកកំដរសុទ្ធតែឧកញ៉ា-ជំទាវ-ឈុតកូនក្រមុំ១៤ម៉ូដ ថ្មីទាំងអស់ អានអត្ថបទ៖ សេដ្ឋីផ្នែកសារគមនាគមន៍ គិត ម៉េង ព្រមានលើអ្នកបង្កើតគណនី Facebook ក្លែងក្លាយ

អត្ថបទ៖ ខុត សីហា