បណ្ឌិត គួច ម៉េងលី ថាជារឿងគួរឲ្យសោកស្ដាយដែលយុវជនប្រឹងតែរៀនហួសហេតុពេក
- 2015-03-17 18:04:49
- ចំនួនមតិ 0 | ចំនួនចែករំលែក 0
បណ្ឌិត គួច ម៉េងលី ថាជារឿងគួរឲ្យសោកស្ដាយដែលយុវជនប្រឹងតែរៀនហួសហេតុពេក
ចន្លោះមិនឃើញ
លោក គួច ម៉េងលី ដែលបានបញ្ចប់ថ្នាក់វេជ្ជបណ្ឌិតជំនាញវេជ្ជសាស្ត្រទូទៅ ពីសាកលវិទ្យាល័យ វិទ្យាសាស្រ្ត សុខាភិបាល ស្ពាតតាន សហរដ្ឋអាមេរិក និងបញ្ចប់ថ្នាក់អនុបណ្ឌិតផ្នែកសុខភាពសាធារណៈ នៅសាកលវិទ្យាល័យ ម៉ាសាឈូសេត នៃទីក្រុង អេមហឺស សហរដ្ឋអាមេរិក ហើយបច្ចុប្បន្នជាយកវិទ្យាស្ថានអន្តរទ្វីបអាមេរិកកាំង បែរជាថ្លែងថាលោកសោកស្ដាយដែលយុវជនមួយចំនួនប្រឹងប្រែងសិក្សា ច្រើនហួសហេតុពេក។
អានអត្ថបទ៖ ឧកញ៉ា គួច ម៉េងលី វេជ្ជបណ្ឌិតចិត្តធម៌ អតីតកាលជាអ្នករើសសំរាម
ទស្សនៈរបស់លោកបានលើកឡើងនៅវេទិកា យុវជនកម្ពុជាក្នុងធុរកិច្ច រៀបចំដោយ AIESEC ស្ថាប័នដែលលោកមានតួនាទីជាទីប្រឹក្សាផងនោះ។ លោកណែនាំថា យុវជន មិនគួររៀនច្រើនលើសលប់ពេកទេ សំខាន់គឺត្រូវរៀនអ្វីរៀនឲ្យចំ រៀនឲ្យច្បាស់។ ត្រូវសម្រួចជំនាញឬឯកទេសណាមួយឲ្យច្បាស់លាស់ ហើយត្រូវបង្កើន បរិយាកាសឲ្យជីវិតស្រស់ស្រាយ និងមានការលម្ហែ កុំចាំតែរៀនតែមួយមុខ។
លោកបន្តថាភាពជោគជ័យក្នុងជីវិត មនុស្ស អាជីវកម្ម និងការសិក្សា គឺត្រូវការរៀនសូត្រនៅសាលាតែ១៥%។ ៨៥%គឺត្រូវសិក្សានៅខាងក្រៅដូចជា ទំនាក់ទំនងជាមួយសង្គមខាងក្រៅ ការរៀបចំឥរិយាបថ បុគ្គលិកលក្ខណៈ ឲ្យបានត្រឹមត្រូវ ពង្រឹងផ្នែកភាសាប្រើប្រាស់សកល និងការតាមទាន់បច្ចេកវិទ្យា។
យុវជនគួរ ចូលរួមកម្មវិធី Work Shop ការងារស្ម័គ្រចិត្ត ឲ្យបានច្រើន បង្កើនបណ្ដាញ ដើម្បី ទទួលបានចំណេះដឹង បទពិសោធន៍ច្រើន។ «ក្ដីសុបិននឹងក្លាយជាការពិតបើអ្នកនៅតែព្យាយាមបន្តសុបិន។ អ្នកជាម្ចាស់ជោគវាសនារបស់អ្នក ត្រូវរៀនធ្វើបុគ្គលគំរូ ហើយចាំថាការរៀនគឺមិនមែនរៀនតែនៅសាលាទេ»។ បុគ្គលខ្ពស់ទាំងចំណេះដឹង និង ការដឹកនាំផ្នែកយអប់រំ ដែលបច្ចុប្បន្នកំពុងគ្រប់គ្រងសាកលវិទ្យាល័យដែលលោកបង្កើតឈ្មោះថា Mengly J. Quach ផងនោះ ពន្យល់៕
អត្ថបទ៖ ប៉ែន សុផាន់ណា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
