ណុប លក្ខិណា មិនខ្លាចថតឈុតសិចស៊ីទេ
- 2015-03-24 00:25:23
- ចំនួនមតិ 0 | ចំនួនចែករំលែក 0
ណុប លក្ខិណា មិនខ្លាចថតឈុតសិចស៊ីទេ
ចន្លោះមិនឃើញ
តារាសម្ដែង ណុប លក្ខិណា អះអាងថា នាងមិនខ្លាចថតបែបសិចស៊ីនោះទេ ប្រសិនបើនេះជាការទាមទាររបស់អ្នកដឹកនាំរឿង ព្រោះជាតួនាទីក្នុងនាមជាតារាសម្ដែងម្នាក់។
តារាថ្មីរូបនេះប្រាប់ Sabay ថា ប្រសិនបើអ្នកដឹកនាំរឿងគេចង់បានអញ្ចឹងហើយ ជាការសម្ដែងយើងត្រូវតែធ្វើឱ្យបានអញ្ចឹងដែរហើយ។ នាងបានបន្តថា ការចូលប្រឡូកក្នុងវិស័យសិល្បៈថ្មីៗពិតមែន ហើយសម្ដែងទើបបានត្រឹមតែ ៥ រឿង យ៉ាងណាក៏ដោយ ប៉ុន្តែ ស្រីស្អាតរូបនេះ ធ្លាប់ឆ្លងកាត់សម្ដែងគ្រប់ប្រភេទតួអស់ហើយដូចជា វ័យចំណាស់ជាម្ដាយ, កាចឆ្នាស, ស្លូតស្រគត់ស្រគំជាដើម ជារួមនៅតែតួសម្ដែង បែបសិចស៊ីប៉ុណ្ណោះ។
ទោះបីជាយ៉ាងណា លក្ខិណា បានបន្ថែមទៀតថា មុននឹងថតសិចស៊ីត្រូវមើលខ្លឹមសាររឿង ហើយត្រូវពិភាក្សាគ្នាច្បាស់ជាមុនសិន ដោយស្វែងយល់ថា តើការស្លៀកពាក់កម្រិតណាអាចទទួលយកបាន ដោយមិនមានការរិះគន់នោះធ្ងន់ៗពីទស្សនិកជន។ តារារូបនេះអះអាងថា អាចនឹងបដិសេធទៅវិញ ប្រសិនបើមើលទៅឈុតសិចស៊ី ភាពសិចស៊ីជ្រុលហួសហេតុពេក ធ្វើឱ្យមហាជនមិនសប្បាយចិត្តនោះ។
ជាមួយគ្នានោះ ឆ្លើយតបតបមកកាន់ Sabay ដដែលតារាស្រីវ័យ២៥ឆ្នាំខាងលើបន្តថា តាំងពីប្រឡូកក្នុងវិស័យសិល្បៈដំបូងរហូតមកដល់ពេលនេះ មិនដែលប្រសព្វឱកាសជាតួឯកនោះទេ ហើយបានត្រឹមតែជាតួសំខាន់ប៉ុណ្ណោះ។ ប៉ុន្តែនាងអះអាងថា ក៏មិនមានការអន់ចិត្តឡើយ ព្រោះជាការសម្រេចចិត្តរបស់អ្នកដឹកនាំរឿង៕
អានអត្ថបទ៖ អ៊ឹម ជីវ៉ា ចោរលួចគាស់ឡានយកអស់ជាង ៣ ពាន់ដុល្លារ យប់មិញ
អានអត្ថបទ៖ មិនធម្មតា…បទចម្រៀងរបស់ AGO ល្បីដល់អាមេរិកទៀត!
អានអត្ថបទ៖ នរណាស្រែកដាច់ជាងរវាង ឆាយ វីរៈយុទ្ធ ខេម និង Wang Feng?
អត្ថបទ៖ សំ ជំនាញ