យុវវ័យបង្ហើបរឿងរ៉ាវប្លែកៗមួយចំនួនពីការប្រើប្រាស់បណ្ដាញសង្គម

2015-03-26 16:42:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រព័ន្ធបច្ចេកវិទ្យា កាន់តែទំនើប ភាពងាយស្រួល និងការពេញនិយមប្រើប្រាស់បានកើនឡើងគួរឱ្យកត់សម្គាល់ ប៉ុន្តែរឿងរ៉ាវប្លែកៗក៏បានកើតឡើងច្រើនដែរ។ តើរឿងប្លែកៗ ទាំងអស់នោះមានអ្វីខ្លះ?

កញ្ញាសោភ័ណ្ឌ និស្សិត សាកលវិទ្យាល័យជាតិគ្រប់គ្រងរូបនេះបានប្រាប់Sabay ថា "កាលមុនធ្លាប់មានមិត្តភក្តិពីរនាក់! គេសង្សារគ្នា! ដល់ពេលគេបែកគ្នា ខាងប្រុសគេបង្ហោះរូបផ្ដេសផ្ដាសរបស់ខាងស្រី ហើយTag ឱ្យខ្ញុំ ខ្ញុំក៏លុបចោលភ្លាម! ''។ សោភ័ណក៏បានឱ្យដឹងថា មូលហេតុដែលកញ្ញាលុបចោលព្រោះខ្លាច អ្នកដទៃយល់ច្រឡំថានាងពាក់ព័ន្ធនឹងរឿងអស់ទាំងនេះ។

កន្លងមកការផ្ញើររូបថតអាសអាភាស ផ្ញើរ Link មេរោគការTag រូប ផ្សព្វផ្សាយផលិតផលផ្លូវភេទកាន់តែកើតមានឡើងលើយុវជនមួយចំនួន។ ជាក់ស្ដែង លោកគង់ ដារ៉ាវុធ និស្សិតឆ្នាំទីពីរនៃសាកលវិទ្យាស្ថានភាសាបរទេស (IFL) បានឱ្យSabayដឹងថា រឿងទាំងនេះលោកធ្លាប់ជួបប្រទះអស់ហើយ។ ឆ្លើយតបនឹងសំណួរ ថាតើគួរធ្វើយ៉ាងណាពេលជួបបញ្ហាបែបនេះ? និស្សិតអក្សរសាស្រ្ដអង់គ្លេសរូបនេះបានលើកឡើងថា '' ខ្ញុំនឹងលុប Post នោះចេញពីTimeline របស់ខ្ញុំ ឬក៏ block ម្នាក់នោះចោលតែ ម្តង....ព្រោះការបង្ហោះរូបគឺបង្ហាញពីចរិតរបស់មនុស្ស! ធម្មតាមុននឹងគេសម្រេចចិត្តadd ឬ confirm គេនឹងចូលមើលTimeline របស់យើង ហើយគេនឹងវាយតម្លៃយើង''។ ដារ៉ាវុធក៏បានបញ្ជាក់ទៀតដែរថា ការប្រើប្រាស់បណ្ដាញសង្គមមានទាំង គុណសម្បត្តិ និងគុណវិបត្តិ! និយាយរឿងគុណសម្បត្តិវិញមានច្រើនដូចជាមានភាពឆាប់រហ័សក្នុងការទំនាក់ទំនងជាមួយមិត្តភក្ដិ! តែក៏មានគុណវិបត្តិដែរគឺ អាចនឹងត្រូវគេhack account ផ្ញើររូបអាសអាភាស ឬ ក៏យករូបរបស់យើងទៅកាត់តផ្ដេសផ្ដាសក៏ថាបានដូចនេះមុននឹងសម្រេចចិត្តConfirmឬaddអ្នកណាម្នាក់ ត្រូវមើលព័ត៌មានទាក់ទងនឹងគេសិន''។

កញ្ញា ណា ណា ជានិស្សិតនៃសាកលវិទ្យាល័យមួយបានរៀបរាប់ថា ''ខ្ញុំធ្លាប់ម្ដងដែរបង! មានស្រ្តីម្នាក់ជនជាតិឥណ្ឌាយករូបខ្ញុំទៅធ្វើជា Profile pictureខ្លួនឯង! ហើយពេលខ្ញុំ Chatសួរ គេថារូបគេតើ! ហើយខ្ញុំក៏ស្ដីឱ្យម្នាក់ហ្នឹងដែរ! មិនដឹងថាគេតបយ៉ាងម៉េចទេព្រោះខ្ញុំអានអង់គ្លេសអត់ដាច់ដូចវ៉ល់វ៉ល់ម៉េចទេ អង់គ្លេសគេហ្នឹង! (សើច) តែក្រោយមកគេក៏លុបរូបខ្ញុំចេញ! ចាប់តាំងពីពេលនោះមកខ្ញុំលែងដាក់Public ពេលpost រូបហើយ! ព្រោះខ្លាចចឹងទៀត!''។

កញ្ញាលីហេង បុគ្គលិកលក់គ្រឿងសម្អាងម្នាក់បានប្រាប់ Sabay ថា កញ្ញា ជួបប្រទះរឿងបែបនេះម្ដងកាលពីឆ្នាំ២០១៤ ដែលកញ្ញាបានប្រើប្រាស់បណ្ដាញសង្គម WeChat ។ កញ្ញាបានរៀបរាប់ថា ''កាលហ្នឹងអត់ដឹងលេងម៉េចផង! ចេះតែដាក់រូបណាស្អាតៗក៏មានប្រុសមា្នក់ជនជាតិខ្មែរដូចគ្នាទេ! ផ្ញើរសារមកសួរនាំរាក់ទាក់ធម្មតា!ដល់យូរៗទៅ ក៏សួរខ្ញុំថា ចាប់អារម្មណ៍ Via Sex អត់? ខ្ញុំក៏ថាអីគេអាហ្នឹង? គេថាគេចង់ឃើញខ្លួនខ្ញុំស្រាត ឱ្យថតរូបផ្ញើរឱ្យគេមក គេនឹងផ្ញើរមកវិញ! ខ្ញុំក៏មិនឆ្លើយតបដែរ មួយសន្ទុះក្រោយម៉ោ គេផ្ញើររូបនេះ...ផស់គេម៉ោ! ខ្ញុំក៏ប្រញាប់ចេញមកវិញហើយ Uninstall កម្មវិធីហ្នឹងចោលទៅ! ស្បថឈប់លេងអាហ្នឹង!''។

ទាំងនេះគឺជាបទពិសោធន៍ នៃការប្រឈមក្នុងការប្រើប្រាស់បណ្ដាញសង្គមដែលយុវវ័យយើងបានធ្វើ ការចែករំលែក ព្រោះថាកន្លងមកការប្រើប្រាស់បណ្ដាញសង្គម តែងតែមានរឿងមិនល្អកើតឡើងទាក់ទងនឹងកិត្តិយស ឬជួនកាលអាចត្រូវគេចាប់ជំរិតក៏ថាបាន។ ការប្រើប្រាស់បណ្ដាញ សង្គមគឺមានការកើនឡើងខ្លាំងនៅប៉ុន្មានឆ្នាំចុងក្រោយនេះសម្រាប់ ប្រទេសកម្ពុជា ដែលអ្នកប្រើប្រាស់ភាគច្រើនគឺជាយុវវ័យ៕

អត្ថបទ៖ គង់ ច័ន្ទវ៉ាន់ណេង

ពាក្យទាក់ទង

ទស្សនៈយុវវ័យ

អត្ថបទពេញនិយម

LDA White ចេញ បទ "អូសវ៉ាលី-OS VALI" កំពុងល្បីខ្លាំង ស្ដាប់ហើយញ័រជើង

មកដឹងពីអាហារផ្ដល់សុខភាពរាងកាយ ការពារពីការឆ្លងវីរុសផ្សេងៗ

ដឹងទេ! តើកម្ពុជា មានក្រុង ស្រុក ខណ្ឌ ចំនួនប៉ុន្មាននៅទូទាំងប្រទេស?

កម្ពុជា អាចមានភ្លៀងធ្លាក់ រយៈពេល៣ថ្ងៃ

Jude Bellingham ត្រូវបានជាប់ឈ្មោះជាកីឡាករល្អបំផុតប្រចាំឆ្នាំនៅ La Liga

វាសនាលិចអណ្ដែតៗពីឡានអេតចាយ ២០០ដុល្លារ ទៅជាស្ដេចឡានតម្លៃ ៦លានដុល្លារ

អត្ថបទថ្មី

ការប្រកួតមិត្តភាពវ័យចាស់កម្ពុជា នឹងវ័យចាស់ សិង្ហបុរី ជាការតេស្តសមត្ថភាពត្រៀមជួបវ័យចាស់ថៃ និងវៀតណាម

រំភើប! ក្រុមចម្រៀងដ៏ល្បី La Cima Cartel ប្រកាសធ្វើ Solo Concert មានសិល្បករជាតិ-អន្តរជាតិចូលរួមជាច្រើន

បញ្ជុះតម្លៃរហូតដល់ ៥០០០$ ក្នុងពិធីសម្ពោធដាក់លក់ជាផ្លូវការនូវ ម៉ូដែល JETOUR TRAVELLER T2 ២០២៥

LDA White ចេញ បទ "អូសវ៉ាលី-OS VALI" កំពុងល្បីខ្លាំង ស្ដាប់ហើយញ័រជើង

ព្រឹត្តិការណ៍ ប្រចាំឆ្នាំ “តោះ! ដើរឡើងភ្នំបូកគោ ដើម្បីសុខភាពកុមារ” ដើម្បីរៃអង្គាសថវិកា ឧបត្ថម្ភដល់ មន្ទីរពេទ្យកុមារអង្គរខេត្តសៀមរាប

Jude Bellingham ត្រូវបានជាប់ឈ្មោះជាកីឡាករល្អបំផុតប្រចាំឆ្នាំនៅ La Liga