ហៃ ដារ៉ូ៖ "កំប្លែងទើបជាសុបិនពិតរបស់ខ្ញុំ"

2015-04-06 19:07:17
ចំនួនមតិ 0 | ចំនួនចែករំលែក 0

ចន្លោះមិនឃើញ

«អាជីពជាអ្នកបញ្ចូលសំឡេងខ្ញុំអត់ដែលមានបំណងទេបង ការពិតខ្ញុំចង់ក្លាយជាអ្នកកំប្លែងម្នាក់ដូចបងពែកមី អីហ្នឹងទេ ដែលជាសុបិនរបស់ខ្ញុំ»។ ដារ៉ូ និយាយប្រាប់ Sabay ដូច្នេះ។

ដារ៉ូ ថតខារ៉ា អូខេ ឲ្យផលិតកម្មកាលីប (រូបថតផ្ដល់ឲ្យ)

ហៃដារ៉ូ ដែលជាបេក្ខជនប្រលងជាប់ Top 5 វគ្គចុងក្រោយខាងបញ្ចូលសំឡេងនៅក្នុងកម្មវិធីពេញចិត្តអត់វគ្គ ២ របស់ MyTV បានប្រាប់ Sabay ថា ពេលនោះលោកចង់ដាក់ពាក្យប្រលងកំប្លែង ប៉ុន្តែ សមត្ថភាពទៅមិនទាន់រួចទើបមិនទាន់ហ៊ានដាក់។

ដារ៉ូ បានប្រាប់ទៀតថា «រាល់ថ្ងៃហ្នឹងថ្វីដ្បិតតែខ្ញុំបានប្រលងក្នុងចំណោម ៥ នាក់ខាងបញ្ចូលសំឡេងពិតមែន ប៉ុន្តែ ដូចជាមិនសូវស្រលាញ់បែរជាពេញចិត្តអាជីពជាតារាកំប្លែងវិញ។ ម៉្យាងទៀតខ្ញុំ ចង់ ល្បី ដូចបង ពែកមី ជាដើម ហើយខ្ញុំបានខិតខំព្យាយាមរៀនជាពហុសិល្បៈ ព្រោះ អីអាជីពជាតារាកំប្លែង ទាមទារឲ្យចេះច្រើនមុខទើបធ្វើឲ្យយើងឆាប់ល្បី»។

ថ្វីដ្បិតតែមិនសូវមានចំណង់ចំណូលចិត្ត ខាងការបញ្ចូលសំឡេង ប៉ុន្តែ សន្ទុះនៃការគាំទ្រមានការស្ទុះខ្លាំងគួរឲ្យកត់សម្គាល់ ដោយសារ ការបញ្ចូលសំឡេងមានលក្ខណៈកំប្លែងបង្កប់ក្នុងហ្នឹង។ ឧទាហរណ៍នៅក្នុងឈុតឆាកខ្លីៗរឿង ទិនហ្វី រឿង ថាងចេងចម្លងធម៌ ជាដើម។ ដារ៉ូ និយាយ។

បេក្ខជនជាប់ក្នុងចំណោម Top5 ក្នុងកម្មវិធីពេញចិត្តអត់វគ្គ ២ រូបនេះ ក៏មានការនិយាយជាសាច់រឿងល្ខោនដាក់នៅក្នុងប្រព័ន្ធ Calltune និង ច្រៀងបាន ២ បទដោយគ្មានកុងត្រានៅក្នុងផលិតកម្មកាលីប ដូចជា បទ "ប៉ាចេចង់បានប្រពន្ធ”, និង "អ៊ូខុងលង់សម្រស់នារីខ្មែរ" ៕