អ្នករៀបចំ៖ "បុណ្យភូមិលើកទី ២ ជោគជ័យ"

2015-04-07 12:00:59
ចំនួនមតិ 0 | ចំនួនចែករំលែក 0

ចន្លោះមិនឃើញ

កញ្ញា រិទ្ធី លំអងពេជ្រ អ្នករៀបចំកម្មវិធី បាននិយាយប្រាប់ Sabay ថា បុណ្យភូមិលើកទី ២ ទទួលបានជោគជ័យលើសពីការរំពឹងទុក ដោយមានមនុស្សចូលរួមច្រើននៅបរិវេណវត្តព្រែកថ្លឹងជាយទីក្រុងភ្នំពេញ។

ប្រធានក្រុមភ្លើងគប់រូបនេះនិយាយថា៖ "សម្រាប់ឆ្នាំនេះ សូម្បីតែអ្នកលក់ក៏សប្បាយចិត្តដែរ ព្រោះលក់ដាច់ច្រើនជាងឆ្នាំមុនដូចគ្នា"។ យុវតីខាងលើបន្តថា រយៈពេល ៣ ថ្ងៃនេះ មានអ្នកចូលរួមជាបន្តបន្ទាប់គ្នា ធ្វើឱ្យមានសភាពអ៊ូអរជាងឆ្នាំមុន និង មានភាពសប្បាយរីករាយ ហើយពូកគេបានចូលរួមលេងល្បែងកម្សាន្តនានាផងដែរ។

លំអងពេជ្រ បានបន្ថែមថា អ្នកចូលរួមក្នុងបុណ្យភូមិភាគច្រើនជាយុវវ័យទៅពីភ្នំពេញ ដែលពូកគេបានធ្វើដំណើរតាមជើងរថយន្តក្រុងត្រៀមរួចជាស្រេច និង មានក្រុមការងារជាអ្នកសម្របសម្រួលបង្កលក្ខណៈងាយស្រួល។ "ខ្ញុំសង្កេតឃើញថា ចាប់ពីពេលព្រឹករហូតព្រលប់មានអ្នកភ្នំពេញទៅលេង ហើយយប់ឡើង ភាគច្រើនជាអ្នកភូមិជិតហ្នឹង"។

ទោះបីជាយ៉ាងណា ក្នុងនាមជាអ្នកចូលរួមរៀបចំព្រឹត្តិការណ៍នេះ លំអងពេជ្រ បានសម្ដែងភាពសប្បាយរីករាយ នៅពេលបានលឺពាក្យថា "ទៅលេងបុណ្យភូមិ" ចេញពីមនុស្សជាច្រើន ជាពិសេសស្រទាប់យុវវ័យ។ ហើយនាងសង្ឃឹមថា នឹងមានការចូលរួមកាន់តែច្រើននៅឆ្នាំក្រោយទៀត។ ក្រៅពីការចូលរួមជាស្មារតី និង កម្លាំងចិត្ត ក៏ត្រូវការចូលរួមឧបត្ថម្ភជាថវិកាផងដែរ ទើបអាចរៀបចំទៅបាន៕

អានអត្ថបទ៖ វិស្វករផ្នែកសំឡេង និងឧបករណ៍តន្ត្រីអាមេរិក មកចែករំលែកបទពិសោធន៍នៅខ្មែរ

អានអត្ថបទ៖ ស្ងាត់ៗ សាយ រតនៈ ចេញមុខសម្ពោធភោជនីយដ្ឋានតម្លៃរាប់ម៉ឺនដុល្លារ

អានអត្ថបទ៖ បុណ្យភូមិថ្ងៃដំបូង មានអ្នកចូលរួមកុះករ