Sir Alex ពន្យល់មូលហេតុដែលលោកថា Ronaldo ល្អជាង Messi

2015-04-28 15:40:35
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Sir Alex Ferguson បានពន្យល់ហេតុផលដែលយក Cristiano Ronaldo ល្អជាង Lionel Messi ថាមកពី ខ្សែប្រយុទ្ធជម្រើសជាតិព័រទុយហ្គាល់លេងបានទាំងបាល់លើ និងក្រោម ចំណែកឯខ្សែប្រយុទ្ធជម្រើសជាតិអាហ្សង់ទីនវិញលេងមិនល្អទេចំពោះបាល់លើ។

អតីតអ្នកចាត់ការដ៏ជោគជ័យបំផុតរបស់លីកកំពូលអង់គ្លេស Sir Alex បាននិយាយរៀបរាប់រឿង Ronaldo និង Messi ប្រាប់ទៅលោក Parrott អំឡុងពេលពួកគេទៅលេងស្នូកឃើថា៖ "មនុស្សគ្រប់គ្នាតែងគិតថា Messi ល្អជាងគេ ប៉ុន្តែអ្នកមិនមានហេតុផលសម្រាប់រឿងនេះទេ។ Ronaldo អាចលេងបានសម្រាប់ Millwall , QPR , Doncaster Rovers និយាយឱ្យខ្លីគឺគ្រប់ក្លិបទាំងអស់ ហើយអាចរកបានហ៊ែតទ្រីកទៀត។ ខ្ញុំមិនច្បាស់ទេ ថា Messi អាចធ្វើដូច្នេះបាន។ Ronaldo ជំនាញជើងទាំងសងខាង គាត់លឿន ហើយលេងល្អខ្លាំងណាស់ទាំងបាល់លើ និងក្លាហានទៀតផង”។

ក្រោយពីនិយាយរឿងកំពូលខ្សែប្រយុទ្ធទាំងពីរខាងលើចប់ហើយ អតីតអ្នកចាត់ការសញ្ជាតិស្កុតឡែនរូបនេះបានបង្ហើបឱ្យដឹងទៀតថា កីឡាករសំណព្វចិត្តដែលលោកធ្លាប់ធ្វើការជាមួយ តាំងពីធ្វើជាអ្នកចាត់ការមក មានតែ៣នាក់ទេ គឺ Cristiano Ronaldo , Ryan Gigg និង Paul Scholes ។

បុរសវ័យ៧៣ឆ្នាំខាងលើនេះ តែងតែទាក់ទងគ្នាជាមួយម្ចាស់ពាន Ballon d'Or ៣សម័យខាងលើជានិច្ចត្បិតតែរូបគេទៅលេងដល់អេស្ប៉ាញហើយក៏ដោយ។ ការជិតស្និទ្ធរបស់អ្នកទាំងពីរនេះត្រូវបានគេមើលឃើញថា មកពីពួកគេធ្លាប់ធ្វើការជាមួយគ្នាអស់ពេល៦ឆ្នាំ នៅ Old Trafford ៕

ចុចអាន៖ Sir Alex បញ្ចេញសៀវភៅយុទ្ធសាស្ត្រដឹកនាំមួយក្បាលទៀតហើយ

ប្រែសម្រួល៖ មុន្នី រម្យ ប្រភព៖ dailymail