សេដ្ឋីវ័យចំណាស់ លាក់កំណប់មហាសាល មិនទាន់មានអ្នករកឃើញ

2015-04-29 17:56:35
ចំនួនមតិ 0 | ចំនួនចែករំលែក 0

ចន្លោះមិនឃើញ

រយៈពេលជាង៥ឆ្នាំមកហើយ ដែលសេដ្ឋីឈ្មោះ Forrest Fenn នៅទីក្រុង Santa Fe បានយកហិបកំណប់ទៅលាក់ទុកនៅរដ្ឋ New Mexico សហរដ្ឋអាមេរិក។ ចាប់ពីពេលនោះមក សេដ្ឋីវ័យ៨៤ឆ្នាំរូបនេះបានបញ្ជាក់ថាមានមនុស្សដល់ទៅខ្ទង់ម៉ឺននាក់ហើយដែលបានព្យាយាមរកវា។

លោក Forrest ដែលជាអ្នកចូលចិត្តសន្សំវត្ថុសិល្បៈ និងជាអ្នកនិពន្ធផងនោះបានបង្ហាញតម្រុយសម្រាប់ការស្វែងរកកំណប់តាមរយៈសៀវភៅរបស់លោក ដែលមានចំណងជើងថាសរសេរ “The Thrill of the Chase” ប៉ុន្តែបើគិតមកដល់ពេលនេះគឺពុំមាននរណាម្នាក់ជោគជ័យក្នុងការស្វែងរកកំណប់របស់សេដ្ឋីនេះទេ។

Fenn បានបន្ថែមថា៖ "គ្រប់គ្នាអាចនឹងរកវាឃើញនៅថ្ងៃស្អែក ហើយក៏ប្រហែលមិនអាចរកឃើញវានៅ១ពាន់ឆ្នាំទៀតផងក៏មិនដឹង។គ្រប់គ្នាមិនទាន់រកឃើញកំណប់ តែខ្ញុំពេញចិត្តបើសិនមានអ្នករកឃើញ ហើយក៏មិនជាបញ្ហាដែរ បើនៅតែរកមិនឃើញ"។

លោកបានប្រាប់គេហទំព័រ ABC News ថានៅក្នុងហិបកំណប់មានទំហំ ១០អ៊ីញគុណនឹង១០អ៊ីញនោះ មានកាក់មាសចំនួន២៦៥ ដុំមាស ដែលមានខ្លះទំហំប៉ុនស៊ុតមាន់ក៏មាន ចម្លាក់ថ្មបុរាណចិន វត្ថុបុរាណរូបសត្វ និងត្បូងមានតម្លៃជាច្រើន។ បើតាមនាយកដ្ឋានទេសចរណ៍នៃរដ្ឋ New Mexico ប៉ាន់ស្មានថាវាមានតម្លៃប្រហែល២លានដុល្លារ៕

ចុចអាន៖ កោះអាថ៌កំបាំង ជម្រកកុលសម្ព័ន្ធ៦ម៉ឺនឆ្នាំ អ្នកណាហ៊ានចូលអាចស្លាប់

ប្រែសម្រួល៖ មាន រតនា

ប្រភព៖ abcnews