តារាប្រុសទី១ រៀបការភេទដូចគ្នានៅវៀតណាម

2015-05-07 21:45:23
ចំនួនមតិ 0 | ចំនួនចែករំលែក 0

ចន្លោះមិនឃើញ

កន្លងមកបុរសថៃបីនាក់ បានបង្កឱ្យមានការភ្ញាក់ផ្អើល ក្រោយពួកគេរៀបការជាមួយគ្នា រួមរស់ជាប្ដីប្រពន្ធស្របច្បាប់។ យ៉ាងណាមិញ បុរសវៀតណាមពីររូបនេះវិញ ក៏បានធ្វើដូច្នេះដែរ និងបង្កឱ្យមានការចាប់អារម្មណ៍ខ្លាំងដូចគ្នា។

ក្រោយស្គាល់ចិត្តថ្លើមគ្នា៥ឆ្នាំ និងរស់នៅជាមួយគ្នាបីឆ្នាំ ក្នុងទីក្រុងហូជីមិញមក តារាច្នៃម៉ូដ Adrian Anh Tuan បានរៀបការជាមួយមិត្តប្រុស Son Doan ធ្វើឱ្យមហាជនចាប់អារម្មណ៍ជាខ្លាំង។

លោក Tuan និង Doan ដែលមានវ័យ៣៥ឆ្នាំដូចគ្នា បានភ្ជាប់និស្ស័យជាប្ដីប្រពន្ធ នៅមុខភ្ញៀវ៥០នាក់ នៅឯរមណីយដ្ឋានលំដាប់ផ្កាយប្រាំមួយ នៅក្នុងទីក្រុងមាត់សមុទ្រ Nha Trang ប្រទេសវៀតណាម។

តារាច្នៃម៉ូដខោអាវយីហោ Valenciani និងជាគណៈកម្មការកម្មវិធី Vietnam's Next Model លោក Tuan និយាយថា មុននេះលោកចង់រៀបមង្គលការស្ងាត់ៗ ដោយមិនចង់ឱ្យគេដឹងច្រើនទេ ប៉ុន្តែដំណឹងនេះបានលេចឮដល់ បណ្ដាញសារព័ត៌មាន និងអ្នកលេងអ៊ីនធឺណិត ដោយពួកគេបានជជីកសួរយ៉ាងច្រើនពីរឿងរៀបការ។

ទោះបីជាយ៉ាងណា ចំពោះមង្គលការរបស់ពួកគេនេះ គឺទទួលបានការគាំទ្រ និងសរសើរច្រើនពីសំណាក់អ្នកលេងបណ្ដាញសង្គម។ សូមបញ្ជាក់ថា ពិធីជ័យរបស់អ្នកទាំងពីរ បានធ្វើឡើងកាលពីថ្ងៃទី២៤ ខែមករា ឆ្នាំ២០១៥៕