ធារ៉ា និង សូវឌ្ឈនា ទទួលបានពានដំណើរស្អាត នៅប្រទេសកូរ៉េ

2015-05-22 23:58:15
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ម៉ម សុធារ៉ា និង កញ្ញា ប្រិមប្រិយ សូវឌ្ឈនា សមាជិកក្រុមរបស់ Star Model Cambodia ដណ្ដើមបានពានដំណើរស្អាត (The best cat walk) នៅក្នុងកម្មវិធី Asia Model Award 2015 នៅប្រទេសកូរ៉េ។

រាប់ពីឆ្វេង កញ្ញា ប្រិមប្រិយ សូវឌ្ឈនា, លោក ម៉ម សុធារ៉ា និង លោក ជា រ៉ាដា ប្រធានក្រុម

“នៅពេលគេហៅឈ្មោះខ្ញុំ ខ្ញុំស្ដាប់ឈ្មោះខ្លួនឯងអត់បាន (អ្នកហៅឈ្មោះបញ្ចេញតុងពេក) ប៉ុន្តែ ខ្ញុំឮពាក្យ Cambodia ខ្ញុំដឹងថា ក្នុងចំណោមគ្នាយើងនឹងទទួលបានពានមិនខាន ដល់គេហៅលេខ Fifteen (លេខ១៥) នោះគឺជាខ្ញុំ ខ្ញុំពិតជាសប្បាយចិត្តមែនទែន បន្ទាប់មកគេហៅឈ្មោះបងធារ៉ា"។ នេះជាការលើកឡើងរបស់ កញ្ញា ប្រិមប្រិយ សូវឌ្ឈនា ដែលទទួលបានដំណើរស្អាត (The best cat walk) ដែលបានបង្ហាញអារម្មណ៍បែបនេះនៅក្នុងកម្មវិធី "ម៉ាអេម"។

លោក ជា រ៉ាដា ប្រធានក្រុម Star Model Cambodia បាននិយាយថា លោកបានដឹកនាំក្រុមទៅចូលរួមកម្មវិធី Asia Model Award 2015 នៅប្រទេសកូរ៉េ គឺមានរយៈពេល ១០ ថ្ងៃ គិតចាប់ពីថ្ងៃទី ១៥-២៥ ខែ មេសា។ ប៉ុន្ដែ ថ្ងៃប្រកួតតែម្ដង គឺចាប់ផ្ដើមពីថ្ងៃទី ២១-២៤ ខែមេសា ក្រៅពីនោះ គឺជា ពេលហ្វឹកហាត់។

ក្នុងចំណោមបេក្ខភាព ២២ ប្រទេសចូលរួមប្រកួត ក្នុងនោះ ប្រទេសកម្ពុជា មាន ៦ នាក់។ ក្នុងចំណោម ៦ នាក់ គឺមានតារាដើរបង្ហាញម៉ូដចំនួន ៤ នាក់ រួមមាន លោម ម៉ម សុធារ៉ា, កញ្ញា ប្រិមប្រិយ សូវឌ្ឈនា (អ្នកទាំងពីរទទួលបានពានដំណើរស្អាត), នីតា និង វណ្ណៈ។ ឯពីររូបផ្សេងទៀត គឺជា តារាកិត្តិយសប្រចាំប្រទេសកម្ពុជា ក្នុងនោះ រួមមាន លោក អ៊ុន សិទ្ធា និង កញ្ញា អ៊ុន អាលីហ្សា ដែលអ្នកទាំងពីរ ទទួលបានពានម្នាក់មួយតំណាងឲ្យ Super Star នៅក្នុងប្រទេសកម្ពុជា៕