តារា K-pop ១០រូបដែលមិនមានសញ្ជាតិដើមកូរ៉េ

2015-06-16 18:59:49
ចំនួនមតិ 0 | ចំនួនចែករំលែក 0

ចន្លោះមិនឃើញ

វិស័យចម្រៀង K-pop កំពុងមានប្រជាប្រិយភាពកាន់តែខ្លាំងឡើងៗនៅលើពិភពលោកនិងជាពិសេសនៅក្នុងតំបន់អាស៊ីតែម្ដង។ ប៉ុន្តែតារា K-pop ទាំងនោះមិនមែនសុទ្ធតែកើតក្នុងប្រទេសកូរ៉េទាំងអស់នោះទេ អ្នកខ្លះមកពីប្រទេសក្នុងតំបន់អាស៊ី ឬប្រទេសក្នុងពិភពលោកផ្សេងទៀត។ តារា ១០ រូបខាងក្រោមសុទ្ធតែជាតារាដែលមានសញ្ជាតិដើមខុសពីកូរ៉េ។

១ Nichkhun ក្រុម 2PM

Nichkhun កើតនៅរដ្ឋ California ដែលមានម្ដាយជាកូនកាត់ចិន-អាមេរិក និងឪពុកកាត់ថៃ-ចិន។ ក្រៅពីរស់នៅសហរដ្ឋអាមេរិកអតីតមិត្តប្រុស Tiffany រូបនេះក៏ធ្លាប់រស់នៅប្រទេសថៃ និងនូវែលហ្សេឡង់ដែរកាលពីនៅក្មេង។ តារាវ័យ២៦ឆ្នាំបានចូលហ្វឹកហាត់ក្នុងផលិតកម្ម JYP ក្នុងឆ្នាំ២០០៦ ពេលអាយុ១៦ឆ្នាំ។ បន្ទាប់មកគាត់បានចាប់ផ្ដើមរៀនភាសាកូរ៉េនិងចិន ហើយនៅឆ្នាំ២០០៨គាត់ក៏បានបង្ហាញខ្លួនដំបូងជាមួយក្រុម 2PM ។

២ Ailee

ម្ចាស់បទ “Don't Touch Me” នេះកើតនៅរដ្ឋ Colorado ប៉ុន្តែនាងធំដឹងក្ដីក្នុងរដ្ឋ New Jersey ។ ឪពុកម្ដាយរបស់តារាវ័យ២៦ឆ្នាំនេះជាជនជាតិកូរ៉េ ប៉ុន្តែ Ailee កើតនៅទីនោះទើបមានសញ្ជាតិអាមេរិក។ នៅឆ្នាំ២០១០នាងបានចាកចេញពីទឹកដីអាមេរិកមកប្រទេសកូរ៉េ ដើម្បីផ្ដើមជីវិតជាតារាចម្រៀង។

៣ Henry Lau ក្រុម Super Junior M

Henry Lau កើតនៅទីក្រុង Toronto ប្រទេសកាណាដា។ ឪពុករបស់គាត់មកពីហុងកុង និងម្ដាយមកពីតៃវ៉ាន់។ ប្រុសស្អាតវ័យ២៥នេះចេះប្រើឧបករណ៍ភ្លេងជាច្រើន និងធ្លាប់មានគម្រោងចង់ក្លាយជាអ្នកជំនាញកូតវីយូឡុងមុនពេលផលិតកម្មSM ជ្រើសរើសគាត់នៅឆ្នាំ២០០៦។

៤ Fei ក្រុម Miss A

តារាមុខស្រស់ម្នាក់នេះកើតក្នុងខេត្ត Hainan ប្រទេសចិន និងចាប់ផ្ដើមលេចមុខដំបូងក្នុងប្រទេសកូរ៉េខាងត្បូងជាមួយក្រុម Miss A ។ បច្ចុប្បន្ន Fei កំពុងចូលរួមក្នុងវិទ្យាស្ថានសិល្បៈទីក្រុងសេអ៊ូលជាមួយមិត្តរួមក្រុម Jia ។

៥ Jackson Wang ក្រុម Got7

Jacksonបានកើតនៅហុងកុង និងជាកីឡាករចាក់សាបជម្រើសមួយរូប។ តារាវ័យក្មេងរូបនេះធ្លាប់ឈរនៅចំណាត់ថ្នាក់លេច១១ក្នុងព្រឹត្តិការណ៍អូឡាំពិកយុវជនរដូវក្ដៅ២០១០។

៦ Amber ក្រុម f(x)

តារាចូលចិត្តតែងខ្លួនដូចប្រុសនេះជាកូនកាត់តៃវ៉ាន់-អាមេរិកដែលកើតនៅ រដ្ឋ California ក្នុងឆ្នាំ១៩៩២។ Amber ត្រូវបានផលិតកម្មSM ជ្រើសយកមកហ្វឹកហាត់នៅឆ្នាំ២០០៨។ ១ឆ្នាំកន្លះបន្ទាប់ពីការហ្វឹកហាត់តារាកូនកាត់ខាងលើបានបង្ហាញខ្លួនដំបូងក្នុងឆ្នាំ២០០៩ជាមួយក្រុមចម្រៀងនារី f(x)។

៧ Mark Tuan ក្រុម Got7

Mark កើតនៅអាមេរិក ហើយគាត់ជាសមាជិកដែលមានអាយុច្រើនជាងគេក្នុងក្រុម Got7។ គាត់ងាយស្រួលចំណាំណាស់ដោយសារតែចូលចិត្តលេងម៉ូដសក់ពណ៌ក្រហម។

៨ Lay ក្រុម EXO

តារាវ័យ២៣ឆ្នាំនេះកើតក្នុងខេត្ត Hunan ប្រទេសចិន ហើយបានចូលរួមជាមួយផលិតកម្ម SM ក្នុងឆ្នាំ២០០៨។ ក្នុងឆ្នាំ២០១២ គាត់បានបង្ហាញវត្តមានជាលើកដំបូងជាមួយក្រុម EXO ។

៩ Jia ក្រុម Miss A

មិនខុសគ្នាពីមិត្តរួមក្រុម Fei ទេ Jia កើតក្នុងប្រទេសចិន និងបានលេចមុខដំបូងក្នុងក្រុម Miss A នៅឆ្នាំ២០១០។ នារីវ័យ២៦ឆ្នាំនេះកំពុងរៀបចំថតរឿងដំបូងរបស់នាង គឺរឿង “The Third Kind of Love”។

១០ BamBam ក្រុម Got7

BamBam កើតនៅប្រទេសថៃ ក្នុងឆ្នាំ១៩៩៧ ហើយគាត់ជាសមាជិកមានអាយុក្មេងជាងគេ។ យុវជនវ័យ១៨ឆ្នាំនេះបានហ្វឹកហាត់អស់រយៈពេល៣ខែក្នុងផលិតកម្ម JYP មុនពេលបង្ហាញខ្លួនដំបូងក្នុងឆ្នាំ២០១៤។

អាន៖ តារាចម្រៀងកូរ៉េ ៩ រូបដែលមានជំងឺគំរាមកំហែងដល់ជីវិត

ប្រែសម្រួល៖ ហេង សុធារិទ្ធិ ប្រភព៖ dramafever