ចង់បានការងារធ្វើពេលរៀនចប់ និស្សិតគួរគិតលើអ្វីខ្លះ?

2015-06-30 17:39:24
ចំនួនមតិ 0 | ចំនួនចែករំលែក 0

ចន្លោះមិនឃើញ

និស្សិតបញ្ចប់ការសិក្សាតាមសាកលវិទ្យាល័យមិនតិចទេត្អូញត្អែថា ពិបាកឬមិនទាន់រកការងារធ្វើបាន ដែលជាបញ្ហាមួយក្នុងសង្គមកម្ពុជាក្នុងពេលបច្ចុប្បន្ន។ ដើម្បីបានការងារធ្វើពេលរៀនចប់ តើនិស្សិតគួរគិតលើចំណុចអ្វីខ្លះ?

លោក អ៊ុក វីឡា ប្រធានផ្នែកធនធានមនុស្សក្រុមហ៊ុន CoCa-Cola ប្រចាំប្រទេសកម្ពុជាបានឱ្យដឹងថា ដើម្បីឱ្យទទួលបានការងារធ្វើពេលរៀនចប់ និស្សិតគួរមើលលើ៤ចំណុច៖

លោក អ៊ុក វីឡា ក្នុងសិក្ខាសាលាស្ដីពី"តម្រង់ទិសអាជីពការងារ" នៅ RULE

១. បទពិសោធន៍ការងារ៖ និស្សិតមិនគួរផ្ដោតលើជំនាញ ដែលខ្លួនរៀនមួយមុខនោះទេ តែត្រូវមានបទពិសោធន៍ការងារទាក់ទងនឹងជំនាញ និងការងារផ្សេងៗផងដែរ ដើម្បីតម្រង់ទិសដៅ និងជាទុននៅថ្ងៃក្រោយ។ ពួកគេត្រូវឱ្យតម្លៃបទពិសោធន៍ការងារទាំងអស់។

២. ជំនាញ៖ និស្សិតត្រូវយកចិត្តទុកដាក់លើជំនាញខ្លួនរៀន និងខិតខំឱ្យចេះ ឱ្យចាំ ចេះធ្វើ បើនិយាយឱ្យខ្លីគឺមានសមត្ថភាព។

៣. ការស្គាល់ខ្លួនឯង៖ ត្រូវដឹងថាខ្លួនឯងខ្លាំងអ្វី ខ្វះខាតអ្វី ចូលចិត្តអ្វី ចង់បានអ្វី អាចធ្វើការងារយ៉ាងមិច? ជាមួយអ្វី ឬអ្នកណាខ្លះ? មានទំនុកចិត្តដែរឬទេ? ស្វែងយល់ខ្លួនឯងច្បាស់ មិនពិបាកយល់ចិត្តអ្នកដទៃទេ។

៤. ទំនាក់ទំនង៖ មនុស្សខ្វះទំនាក់ទំនង ប្រៀបបីជាធ្វើការក្នុងក្រុមហ៊ុន មួយតែម្នាក់ឯងអ៊ីចឹង។ ទំនាក់ទំនងល្អ ការងាររីកចម្រើន ចំណងមិត្តភាពខ្លាំង។

បន្ថែមលើនេះ លោកក៏បានបញ្ជាក់ពីរបៀបបង្កើត CV សរសេរ Cover Letter របៀបធ្វើបទសម្ភាសន៍ តុបតែងខ្លួន ឱ្យទាក់ទាញ និងចាប់អារម្មណ៍ ដែលជាផ្នែកមួយជួយបេក្ខជន ឱ្យងាយជាប់ការងារ។ លោកថា CV ត្រូវមានសណ្ដាប់ធ្នាប់ ស្រួលមើល និងបញ្ជាក់ពីប្រវត្តិរូប បទពិសោធន៍ការងារ និងចំណុចផ្សេងៗឱ្យច្បាស់លាស់ ចំណែក Cover Letter ត្រូវខ្លីហើយខ្លឹម៕

ចុចអាន៖ ស្ដាប់និស្សិត និង អ្នកជំនាញនិយាយពីរឿងដាក់ CV ធ្វើការ

ចុចអាន៖ ស៊ុន សាមឌី៖ “ទោះពិបាកទ្រាំ ខ្ញុំនឹងប្រឹងដើម្បីខ្លួនឯង”

ចុចអាន៖ សិស្សកម្ពុជា៨រូបឈ្នះមេដាយមាស ប្រាក់ និងសំរិទ្ធិនៅសហរដ្ឋអាមេរិក

អត្ថបទ៖ អ៊ុំ សុភក្តិ