មួយសន្លឹកខ្លោចចិត្ត! ក្មេងអនាថាធ្វើកិច្ចការសាលាក្រោមពន្លឺភ្លើងភោជនីយដ្ឋាន
- 2015-07-09 22:56:51
- ចំនួនមតិ 0 | ចំនួនចែករំលែក 0
មួយសន្លឹកខ្លោចចិត្ត! ក្មេងអនាថាធ្វើកិច្ចការសាលាក្រោមពន្លឺភ្លើងភោជនីយដ្ឋាន
ចន្លោះមិនឃើញ
រូបភាពមួយសន្លឹកបង្ហាញពីក្មេងប្រុសអនាថាម្នាក់ បង្ខំចិត្តធ្វើកិច្ចសាលាក្រោមពន្លឺភ្លើងព្រាលៗនៃភោជនីយដ្ឋាន McDonald ក្នុងប្រទេសហ្វីលីពីន បានល្បីល្បាញពេញបណ្ដាញអ៊ីនធឺណិត និងឆក់យកបេះដូងអ្នកសិក្សាជាច្រើន។
ក្មេងប្រុសដ៏គួរអាណិតនៅក្នុងរូបភាពមានឈ្មោះ Daniel Cabrera និងមានអាយុប្រហែល ១០ឆ្នាំប៉ុណ្ណោះ។ និស្សិតផ្នែកវេជ្ជសាស្ត្រឈ្មោះ Joyce Torrefranca គឺជាអ្នកប្រទះឃើញទិដ្ឋភាពដ៏គួរឲ្យរំជួលចិត្តនេះ នៅពេលដើរតាមផ្លូវក្នុងរដ្ឋធានីម៉ានីល។
ក្រោយផ្ដិតយករូបភាពរួច និស្សិតស្រីបានបង្ហោះចូលក្នុងបណ្ដាញសង្គមហ្វេសប៊ុក ដោយសរសេរអមថា Daniel បានជំរុញចិត្តនាងឲ្យរឹតតែប្រឹងធ្វើការខ្លាំងឡើង។ ក្រោយមករូបភាពនោះត្រូវចែកចាយតគ្នាជាច្រើនដង និងមានអ្នកបញ្ចេញមតិរាប់មិនអស់។
និយាយពីជីវិតក្មេងតូចវិញ រឹតតែគួរឲ្យអាណិតទៅទៀត ព្រោះផ្ទះសម្បែងរបស់គេត្រូវភ្លើងឆេះគ្មានសល់ ចំណែកឪពុកស្លាប់ចោល។ ជីវិតពីរនាក់ម្ដាយកូន បានត្រឹមដើរសុំទានគេដើម្បីរស់ ប៉ុន្តែរូបគេនៅតែមិនបោះបង់ចោលការសិក្សា។
“ជាសិស្សម្នាក់ ជំរុញឲ្យខ្ញុំកាន់តែប្រឹងប្រែងខ្លាំងឡើង... ខ្ញុំសំណាងហើយ ដែលម្ដាយឪពុកមានលទ្ធភាពបញ្ជូនទៅរៀន... ខ្ញុំកម្រទៅហាងកាហ្វេដើម្បីសិក្សាណាស់ ប៉ុន្តែក្មេងម្នាក់នេះបានធ្វើឲ្យខ្ញុំភ្ញាក់ខ្លួនហើយ។ និស្សិតស្រី Torrefranca និយាយប្រាប់អ្នកយកព័ត៌មាន៕
ចុចអាន៖ ភ្លើងសង្គ្រាមនៅស៊ីរី ធ្វើឲ្យក្មេងតូចម្នាក់ខ្លាចកាមេរ៉ាព្រោះគិតថាជាកាំភ្លើង
ប្រែសម្រួល៖ គង់ វិសាល ប្រភព៖ telegraph