ហាងជាង ៩០០ នៅក្នុងប្រទេសកម្ពុជានឹងបំពាក់ប្រព័ន្ធ NFC ដើម្បីទូទាត់លុយ

2014-10-13 22:10:36
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងខែធ្នូខាងមុខនេះ ហាងជាង ៩០០ កន្លែង នឹងភ្ជាប់ប្រព័ន្ធ NFC ដោយក្នុងនោះរួមមានហាងដែលជាដៃគូសែលកាតបានភ្ជាប់កម្មវិធី Cellcard Rewards។

លោក Laszlo Barta នាយកផ្នែកពាណិជ្ជកម្ម ក្រុមហ៊ុន សែលកាត បានឲ្យដឹងថា ក្រុមការងារសែលកាត បានខិតខំប្រឹងប្រែងយ៉ាងខ្លាំង ដើម្បីនាំយកបច្ចេកវិទ្យាទូទាត់ប្រាក់ថ្មីនេះជូនដល់អតិថិជន។

លោកបន្តថា អតិថិជនដែលមានកាត Cellcard Rewards និង Wing Wallet ត្រូវបានបង្កើតឡើងតាមប្រព័ន្ធបច្ចេកវិទ្យា NFC ដែលមានភាពងាយស្រួល ក្នុងការទូទាត់សាច់ប្រាក់តាមរយៈ Tap និង Go។

ការដែលបង្កើតឲ្យមានការទូទាត់ប្រព័ន្ធ NFC នេះអាចនឹងមិនចាំបាច់ប្រើប្រាស់កាតនៅថ្ងៃណាមួយ ហើយការទូទាត់អាចដំណើរការបានកាន់តែធំទូលាយដូចជាការទិញទំនិញតាមអនឡាញ និង P2P ជាដើម។

លោកសង្ឃឹមថា ក្រុមយុវវ័យនឹងឆាប់ទទួលយកបច្ចេកវិទ្យាដំបូងនេះ ហើយក្រុមហ៊ុននឹងបន្តបង្កើតភាពជាដៃគូរវាងហាងទំនិញ និង កន្លែងកម្សាន្ត។

ហាងនិងកន្លែងជាគោលដៅជាង ៩០០ ដែលគ្រោងប្រើសេវាកម្មគិតលុយតាមប្រព័ន្ធ NFC មានដូចជារោងភាពយន្ត Major Cineplex , ក្លិបកម្សាន្តប៊ូលីង Blu-O , KFC , Chattime , Toto Ramen និងហាងដទៃមួយចំនួនទៀត។

អានអត្ថបទ៖ ចំណាយពេលបន្តិចស្វែងយល់ពីក្តារចុចខ្មែរលើ iOS 8

អានអត្ថបទ៖ N-Gage ទូរសព្ទល្បីជំនាន់ឆ្នាំ ២០០៤ លេចមុខជាថ្មីនាំឲ្យសង្ស័យទីផ្សារប្រើប្រាស់

អានអត្ថបទ៖ ទូរសព្ទទាំង ១០ ម៉ូដែលឃើញហើយនឹកស្រណោះ

អានអត្ថបទ៖ ទូរសព្ទទាំង៦ ដែលមានតម្លៃរាប់លានដុល្លារ

អត្ថបទ៖ ដារ៉ាឆានី