ម្ចាស់ភោជនីយដ្ឋានវាយក្មេងប្រុសលក់ក្រដាសជូតមាត់ល្បីដល់នាយករដ្ឋមន្ត្រីទួរគី

2015-07-28 16:07:07
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបថតប៉ុន្មានសន្លឹកបង្ហាញពីម្ចាស់ភោជនីយដ្ឋានមួយនៅទួរគីវាយក្មេងប្រុសលក់ក្រដាសជូតមាត់យ៉ាងសាហាវ បានបែកសាយពេញបណ្ដាញសង្គម និងនាំឲ្យឲ្យមតិទូទៅរិះគន់យ៉ាងចាស់ដៃ។ ពេលនេះដំណឹងខាងលើ បានលេចឮដល់នាយករដ្ឋមន្ត្រីទួរគី និងប្រកាសឲ្យមានការតាមស៊ើបរកក្មេងប្រុសនោះបន្ទាន់។

ក្មេងប្រុសដ៏កម្សត់នៅក្នុងរូបថតឈ្មោះ Ahmed Hamdo Abeyd គឺជាជនភៀសខ្លួនស៊ីរីដែលរត់មកជ្រកកោនក្នុងប្រទេសទួរគី បន្ទាប់ពីប្រទេសកំណើតញាំញីដោយភ្លើងសង្គ្រាមស៊ីវិលគ្មានស្រាកស្រាន្ត។ ដើម្បីចិញ្ចឹមជីវិត ក្មេងប្រុសរូបនេះត្រូវដើរលក់ក្រដាសជូតមាត់តាមផ្លូវនៅក្រុង Izmir ភាគខាងលិចប្រទេសទួរគី។

ថ្ងៃកើតហេតុ Ahmed បានឈានចូលទៅលក់ក្រដាសនៅមុខភោជនីយដ្ឋានមួយ ក៏ត្រូវម្ចាស់ភោជនីយដ្ឋានវាយយ៉ាងទ្រោមខ្លួនតែម្ដង។ "ខ្ញុំគ្រាន់តែលក់ក្រដាសទេ... ពេលខ្ញុំទាញកញ្ចប់ក្រដាសលក់ទៅឲ្យនារីម្នាក់នៅទីនោះ ពួកគេស្រាប់តែទាញខ្ញុំចេញ ហើយវ៉ៃខ្ញុំ"។ នេះបើតាមកាសែត Hurriyet Daily ដកស្រង់សម្ដីក្មេងប្រុស។ ក្មេងប្រុសជាជនភៀសខ្លួនរូបនេះបានបន្តទៀតថា "ពួកគេជាន់ខ្ញុំ... ពេលនោះជនជាតិស៊ីរីម្នាក់ទៀតដែលនៅម្ខាងផ្លូវ ប្រញាប់រត់មកហើយស្រោចទឹកលើខ្ញុំ ទើបខ្ញុំដឹងខ្លួនវិញ"។

ចំណែកម្ចាស់ហាងវិញខឹងក្មេងប្រុសយ៉ាងខ្លាំង ព្រមទាំងនិយាយថាក្មេងប្រុសនេះរំខានអតិថិជនរបស់គេ។ នៅពេលដែលក្មេងប្រុសរឹងទទឹងមិនព្រមចេញ ម្ចាស់ភោជនីយដ្ឋានបានទះកំផ្លៀង និងបន្តវាយយ៉ាងចាស់ដៃ បើទោះបីអតិថិជន និងអ្នកឆ្លងកាត់ប្រឹងឃាត់យ៉ាងណាក្ដី។ ក្រោយរងអំពើហិង្សា ក្មេងប្រុសបានហូរទឹកភ្នែករហាម អមជាមួយឈាមស្រក់តាមច្រមុះ ដែលធ្វើឲ្យអ្នកនៅជិតកន្លែងកើតហេតុកើតក្ដីអាណិតយ៉ាងខ្លាំង។

ក្រោយមកភាពល្បីរន្ទឺនេះ បានលេចឮដល់នាយករដ្ឋមន្ត្រីប្រទេសទួរគី លោក Ahmet Davutoglu ដែលទាមទារឲ្យតាមស្វែងរកក្មេងប្រុសនោះ ដើម្បីផ្ដល់ការមើលថែ។ យ៉ាងណាក្ដី ប្រភពព័ត៌មានមិនបានបញ្ជាក់ថា ម្ចាស់ភោជនីយដ្ឋានត្រូវទទួលទោសឬយ៉ាងណានោះទេ៕

ចុចអាន៖ ខ្សែជីវិតពិតក្មេងប្រុសដ៏កម្សត់ ខំប្រឹងសិក្សាក្រោមពន្លឺភ្លើងហាង

ប្រភព៖ dailymail ប្រែសម្រួល៖ គង់ វិសាល

ពាក្យទាក់ទង

ព័ត៌មានសង្គមអន្តរជាតិ

អត្ថបទពេញនិយម

ដឹងទីតាំងរៀបចំព្រះរាជពិធីច្រត់ព្រះនង្គ័ល ក្នុងខែឧសភា ឆ្នាំ២០២៤នេះហើយ

ដឹងហើយ អ្នកនៅពីក្រោយនៃការអភិវឌ្ឍប្រឡាយបេតុងក្នុងវាលស្រែដ៏ស្រស់ស្អាត ដែលកំពុងល្បីលើបណ្តាញសង្គម

វត្ដមានរោងចក្រផ្គុំ និងដំឡើងរថយន្តតូយ៉ូតា ប្ដេជ្ញាអភិវឌ្ឍសេដ្ឋកិច្ច និងធនធានមនុស្សនៅកម្ពុជា

ឆ្នាំមុនពឹងឈើច្រត់ ឆ្នាំនេះ យូប៊ីន ត្រៀមដើរកម្រលព្រំក្រហមទីក្រុងកានដោយភាពជឿជាក់

Toyota នឹងដំឡើងរថយន្ត Fortuner និងភីកអាប់ Hilux នៅកម្ពុជា ប្រមាណ ១៣២០គ្រឿងក្នុងឆ្នាំនេះ

តិចអត់ដឹង! ផ្លូវជាតិលេខ៥ ម្តុំផ្លូវវាងក្រុងកំពង់ឆ្នាំង ត្រូវបានដំឡើងឧបករណ៍រាប់ចំនួន និងការប្រើប្រាស់ល្បឿនយានយន្ត

អត្ថបទថ្មី

ម៉ាស៊ីន I4 ម៉ាស៊ីន V6 V8 ស្គាល់ហើយ! តែដឹងអត់ វាក៏មានម៉ាស៊ីនរាងអក្សរ U X និង W ដែរ

អាស៊ានមានសាកលវិទ្យាល័យ ២ ដែលជាប់ក្នុងចំណាត់ថ្នាក់សាលាកំពូលទាំង ១០ នៅអាស៊ី

Ten Hagថា Man Utd ពិតជាធ្លាប់ទាក់ទងចង់បាន Harry Kane

Postecoglou ទទួលស្គាល់ថា Spurs ពិតជាលេងមិនកើតក្នុងប្រកួតតទល់នឹង Chelsea

បង្ហាញមុខប្រធានសមាគមសិល្បករខ្មែរទាំង ៦ អាណត្តិ

ដឹងទីតាំងរៀបចំព្រះរាជពិធីច្រត់ព្រះនង្គ័ល ក្នុងខែឧសភា ឆ្នាំ២០២៤នេះហើយ