សុនខឆ្លាត ជួយសង្គ្រោះម្ចាស់ខូចចិត្តរឿងស្នេហា កុំឲ្យចងកសម្លាប់ខ្លួន
- 2015-08-12 23:25:08
- ចំនួនមតិ 0 | ចំនួនចែករំលែក 0
សុនខឆ្លាត ជួយសង្គ្រោះម្ចាស់ខូចចិត្តរឿងស្នេហា កុំឲ្យចងកសម្លាប់ខ្លួន
ចន្លោះមិនឃើញ
សត្វសុនខមួយក្បាលបានក្លាយជាវីរបុរស ក្រោយជួយសង្គ្រោះម្ចាស់របស់វាដែលខូចចិត្តរឿងស្នេហា ពីការប៉ុនប៉ងចងកសម្លាប់ខ្លួន។
តាមប្រភពសារព័ត៌មាន Daily Star របស់អង់គ្លេស បានឲ្យដឹងថា សត្វសុនខសំឡី អាយុ៦ឆ្នាំនោះមានឈ្មោះ Geo ចំណែកម្ចាស់របស់វាងដែលខូចចិត្តរឿងស្នេហាមានឈ្មោះថា Bryon Taylor អាយុ២៣ឆ្នាំ មកពីតំបន់ Gloucestershire ប៉ែកនិរតីប្រទេសអង់គ្លេស។
ក្រោយបែកបាក់ពីមិត្តស្រី និងពុំមានសេសសល់លុយក្នុងខ្លួននោះ Bryon បានសម្រេចចិត្តសម្លាប់ខ្លួនដោយយកខ្សែមកចងក។ ប៉ុន្តែមុននឹងសម្លាប់ខ្លួន គេបានសរសេរសំបុត្រផ្ដាំផ្ញើចុងក្រោយលាគ្រួសាររបស់គេ។ ពេលឡើងមកជាន់ខាងលើដើម្បីបញ្ចប់ជីវិតខ្លួនឯង រូបគេក៏បានឃើញឆ្កែ Geo មកអង្កៀមខាំខ្សែចងក។
មុនដំបូង Bryon ស្មានថា Geo ចង់ប្រលែងលេង ប៉ុន្តែក្រោយពីខ្លួនបានព្យាយាមយកខ្សែមកចងក Geo បានគ្រហឹម និងបន្តខាំខ្សែនោះ។ ឃើញសភាពរំជួលចិត្តបែបនេះ ទើបខ្លួនយល់ថា Geo កំពុងព្យាយាមឃាត់មិនឲ្យសម្លាប់ខ្លួន។
Bryon បានប្រាប់ទៅសារព័ត៌មានថា "ខ្ញុំប្រហែលមិនបានរស់ទេប្រសិនបើ Geo មិនបាននៅទីនោះ។ ខ្ញុំដឹងថា Geoបានដឹងនូវអ្វីដែលខ្ញុំបានព្យាយាមធ្វើ ហើយវាបានព្យាយាមធ្វើឲ្យខ្ញុំចុះចេញពីទីនោះ"។ ក្រោយ Bryon ត្រូវបានសង្គ្រោះ សុនខឆ្លាតត្រូវបានបញ្ជូនទៅពិនិត្យ ក្រោយពីហើមមាត់ខ្លាំង៕
ចុចអាន៖ សុនខញីមួយក្បាលក្លាយជាអ្នកជួយសង្គ្រោះទារិកាពីសំរាម
ប្រែសម្រួល៖ មាន រតនា ប្រភព៖ dailystar