Arsenal បង្វែរគោលដៅទៅ Cavani បន្ទាប់ពី Benzema បដិសេធ

2015-08-25 22:22:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុម Arsenal បានបរាជ័យទៀតហើយក្នុងការទិញយកខ្សែប្រយុទ្ធ Karim Benzema ព្រោះថាសាមីខ្លួន បានចេញមកបញ្ជាក់កាលពីម្សិលមិញថាមិនចាកចេញពី Real Madrid ទេ។ ការនិយាយបែបនេះ បានធ្វើឲ្យអ្នកចាត់ការ Arsene Wenger ងាកទៅទាក់ទង Edinson Cavani របស់ Paris Saint Germain វិញម្ដង។

Benzema បានចេញមកបញ្ជាក់ដោយខ្លួនឯងថា Real Madrid គឺជាស្រុកកំណើតទីពីររបស់គេទៅហើយ ដូច្នេះរឿងផ្លាស់ទៅកន្លែងផ្សេងមិនពិតនោះទេ។ នេះមានន័យថាគោលបំណងរបស់លោក Wenger ក្នុងការទិញយកខ្សែប្រយុទ្ធជម្រើសជាតិបារាំងគឺប្រហែលជាត្រូវបានបញ្ចប់ទៅហើយ។

ដោយសារតែត្រូវការជាចាំបាច់នូវខ្សែប្រយុទ្ធមុតស្រួចម្នាក់នោះ កាំភ្លើងបានឱ្យភ្នាក់ងាររបស់ខ្លួនទៅចរចាជាមួយ PSG ម្ដងក្នុងការទិញយក Cavani ឱ្យបានមុនថ្ងៃបិទទីផ្សារដោះដូរនៅសប្ដាហ៍ក្រោយនេះ។ ខ្សែប្រយុទ្ធជម្រើសជាតិអ៊ុយរុយហ្គាយធ្លាប់ជាគោលដៅរបស់កាំភ្លើងធំម្ដងមកហើយ តាំងពីចប់រដូវកាលមុនមក ប៉ុន្តែត្រូវ PSG មិនព្រមលក់ឱ្យដោយទារតម្លៃខ្លួនខ្ពស់។

ក្នុងរដូវកាលដោះដូរកីឡាករនេះ Arsenal មិនទាន់បានចាយលុយធំដែលពួកគេត្រៀមទុករួចជាស្រេចនោះទេ ពោលគឺកំពុងតែស្វែងរកកីឡាករល្អៗនៅឡើយ។ អ្នកចាត់ការ Wenger ក៏ធ្លាប់បាននិយាយដែរថា លោកមិនងាយទិញកីឡាករដោយប្រើទឹកប្រាក់ច្រើននោះទេ ទាល់តែមើលគ្រប់ជ្រុងជ្រោយសិន៕

ចុចអាន៖ Arsenal ឱ្យ៣១០លានដុល្លារ តែ Wenger មិនទាន់ទិញកីឡាករ

ប្រែសម្រួល៖ មុន្នី រម្យ ប្រភព៖ dailymail