ស្រីស្អាតបោះបង់អាជីពតារាម៉ូដែលមកកាន់កាំភ្លើងធ្វើជាទាហានវិញ

2015-09-01 21:36:15
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតបេក្ខជនតារាម៉ូដែលម្នាក់ដែលមានប្រជាប្រិយភាពខ្លាំងក្នុងការប្រលងរបស់ទូរទស្សន៍ CCTV នឹងសម្រេចក្ដីស្រមៃរបស់ខ្លួនជាលើដំបូងជាមួយនារី៥០នាក់ផ្សេងទៀត ក្នុងការក្លាយជាសមាជិកទាហានស្រីកិត្តិយសក្នុងពិធីដង្ហែក្បួន China V-day នៅថ្ងៃទី៣ ខែ កញ្ញាខាងមុខ។

China V-day គឺជាថ្ងៃរំលឹកខួបលើទី៧០នៃការបញ្ចប់សង្គ្រាមលោកលើកទៅ២។ អតីតតារាម៉ូដែលសាច់ខ្ចីរូបនោះមានឈ្មោះថា Men Jiahui មានអាយុ ២៣ឆ្នាំ បានចូលរួមហាត់ទាហានដើម្បីបំពេញក្ដីសុបិនក្នុងការក្លាយជាទាហានស្រីកិត្តិយស បន្ទាប់ពីបញ្ចប់ការសិក្សាពីវិទ្យាស្ថានបច្ចេកវិទ្យាម៉ូដប៉េកាំង (Beijing Institute of Fashion Technology) កាលពីខែកក្កដា ឆ្នាំ២០១៤។

មុនពេល Men Jiahuiក្លាយជាទាហានដូចពេលនេះ នាងធ្លាប់ជាតារាម៉ូដែលឡាននៅប្រទេសចិន។លក្ខខណ្ឌក្នុងការក្លាយជាទាហានស្រីកិត្តិយសក៏មិនសូវខុសគ្នាពីការប្រលងម៉ូដែលប៉ុន្មានដែរ នារីទាំងអស់ត្រូវមានអាយុជាមធ្យម ២០ឆ្នាំ ត្រូវមានកម្ពស់ជាមធ្យម ១,៧៨ម៉ែត្រ មានសញ្ញាប័ត្រថ្នាក់បរិញ្ញា និងសមត្ថភាពខ្ពស់។

នៅថ្ងៃទី៣ ខែកញ្ញាគឺជាលើកដំបូងដែលមានវត្តមានទាហានស្រីកិត្តិយសហែអមជាមួយទាហានប្រុសកិត្តិយសក្នុងពិធីរំលឹកខួបលើទី៧០នៃការបញ្ចប់សង្គ្រាមលោកលើកទៅ២នៅប្រទេសចិន ៕