ពេលាណាខ្លះល្អសម្រាប់កូនកំលោះក្រមុំក្នុងថ្ងៃអាពាហ៍ពិពាហ៍ ?

2014-10-16 17:35:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងពិធីរៀបអាពាហ៍ពិពាហ៍ការជ្រើសរើសពេលានូវតែត្រូវបានគេយកចិត្តទុកដាក់ មិនអាចមើលរំលងបាន ដោយសារគេជឿថា ពេលាល្អជួយឲ្យកូនកំលោះក្រមុំរស់នៅជាមួយគ្នាបានសុខសាន្តត្រាណរហូតចាស់កោងខ្នង។

លោកតា ជុំ គីម ជាអាចារ្យការ រស់នៅក្នុងបុរីចំការល្មុត ក្នុងសង្កាត់និរោធ ខណ្ឌមានជ័យ បានមានប្រសាសន៍ថា រឿងជំនឿក្នុងផ្នត់គំនិតខ្មែរនូវតែមិនអាចលាងជម្រះបានឡើយបើទោះនេះជាសម័យបច្ចេកវិទ្យាទំនើបយ៉ាងណាក៏ដោយ។ ការគន់គូរពីថ្ងៃខែល្អ មិនមែនទាល់តែចំថ្ងៃសៅរ៍អាទិត្យបានល្អនោះឡើយ គេមានក្បួនខ្នាតត្រឹមត្រូវ។

ឧ៖ ប្រុសឆ្នាំជូត ស្រីឆ្នាំថោះ។ ប្រុសចំខែកើត ស្រីចំអាទិត្យ គេបូកបញ្ចូលគ្នាកំណត់ថា ពួកគេគួររៀបការនៅថ្ងៃអាទិត្យ ហើយទៅមើលចំថ្ងៃ ៧ កើតអត់? បើអត់ត្រូវរំលងទៅ១៣កើត ឬ ១០កើត ហើយគេគន់គូរសម្រាប់ថ្ងៃល្អទាំងរួមខ្នើយនិងជ័យមង្គលពេលរៀបអាពាហ៍ពិពាហ៍។

ពេលាដែលគេមានជំនឿថាល្អ៖

ខ្នើត ៖ 

ថ្ងៃល្អ

- ៧កើត

- ១០កើត

- ១៣កើត

ថ្ងៃមធ្យម

- ៥កើត

៦កើត
១២កើត

រនោច៖

ថ្ងៃល្អ

- ២រោច

- ១០រោច

១១រោច
១៤រោច
៨រោច ( ហាមមិនឲ្យផ្សំដំណេកមុនម៉ោង១២យប់ លុះត្រាតែវេលាម៉ោង៣ឬ៤ ទាប ភ្លឺព្រោះជាថ្ងៃសីល។ ជាទូទៅគេមិនសូវយកថ្ងៃនេះឡើយ)

មធ្យម

៤រោច
៧រោច

ទោះជាពេលាល្អក៏ដោយ តែបើពិធីសំខាន់ៗត្រូវបានកាត់ចោលក្នុងថ្ងៃអាពាហ៍ពិពាហ៍របស់អ្នក ក៏ហាក់បីដូចខ្វះអ្វីម៉្យាង។ ពិធីមួយចំនួនសំខាន់មិនអាចកាត់ចោលបានទេ។

ពិធីនោះមានដូចជា៖

ពិធីក្រុងពាលី ៖ បញ្ជាក់ថា មនុស្សចំណូលថ្មីនឹងចូលមករួមរស់ជាមួយគ្រួសារខាងស្រី ញាតិកាទាំងប្រាំពីរសន្តានទទួលស្គាល់ សូមទឹកសូមដីពីអ្នកតាចាស់ស្រុក ជីដូនជីតាឲ្យកូនប្រុសរស់បានសុខជាមួយកូនស្រី បានសុខរហូតកុំឲ្យបែកបាក់គ្នា រស់ជាមួយគ្នាសុខសាន្ត។

ពិធីសូត្រមន្ត ៖ និមន្តព្រះសង្ឃចំរើនព្រះបរិត្ត ផ្ដល់សិរីមង្គល។

ពិធីកាត់ខាន់ស្លា ( អាចមានបុកលក្ខ) ៖ បញ្ជាក់ថា កូនប្រុសកូនស្រីមានខាន់ស្លាត្រឹមត្រូវ។ ជុំពលាដែលតម្រូវឲ្យកូនស្រីបាំងឆត្រជូនម្ដាយឪពុកខាងប្រុស ឯកូនប្រុសបាំងឆត្រជូនម្ដាយឪពុកខាងស្រីហើយគេច្រៀងរៀបរាប់ពីគុណម្ដាយឪពុក ឲ្យអ្នកទាំងពីរដឹងពីកាលម្ដាយពរពោះ រហូតកើត លោកទាំងពីរថ្នាក់ថ្នមចិញ្ចឹមបីបាច់ ដូច្នេះកូនប្រុសកូនស្រីមិនត្រូវឈ្លោះប្រកែកគ្នា កុំភ្លើតភ្លើនពេលមានគ្រួសារភ្លេចគុណឪពុកម្ដាយ ត្រូវមានអនុស្សាវរីយ៍រវាងលោកទាំងពីរ។

ពិធីសែនផ្លែឈើ ៖ សែនចំពោះខ្មោចជីដូនជីតា ជាការដឹងលឺថាថ្ងៃនេះគេហដ្ឋានកូនស្រីមានពិធីរៀបអាពាហ៍ពិពាហ៍ ដែលជាទូទៅគេថ្វាយផ្លែឈើ៨មុខ។

ពិធីហែកំណត់ ឬ ហែជំនូន ៖ ដើម្បីជាភស្តុតាងឲ្យអ្នកស្រុកដឹងលឺថាកូនកំលោះកូនក្រមុំបានរៀបអាពាហ៍ពិពាហ៍តាមប្រពៃណី។

ពិធីពិសាស្លាកំណត់ ៖ ជាការបង្ហាញថាការរៀបការនេះពិតជាមានការព្រមព្រៀងពីឪពុកម្ដាយទាំងសងខាងពិតមែន។ បើចិនវិញគេនិយមហៅថា ពិធីចាក់ទឹកតែ។

ពិធីបង្វិលពពិល ៖ គេឧបកិច្ចពន្លឺភ្លើងទៀនដែលគេអុចបួងសួងឲ្យកូនកំលោះកូនក្រមុំមានពន្លឺប្រៀបបាននឹងខែពេញបូណ៌មី ឈ្នះឧបសគ្គទាំងឡាយចាប់ពីថ្ងៃនេះតទៅរហូត។

ពិធីកាត់សក់ ៖ កាត់ជម្រះមន្ទិល ភាពអាក្រក់ទាំងអំបាលម៉ានចេញឲ្យអស់ ជាពិធីបង្កក់សិរី ។

ពិធីសែនចងដៃ ៖ សុំសេចក្ដីសុខពីដូនតាឪពុកម្ដាយ បង្ហាញថាកូនកំលោះក្រមុំជាចំណងនឹងគ្នាចាប់ពីពេលនេះតទៅ។

ដូច្នេះនៅពេលអ្នករៀបការ ពិធីខាងលើអ្នកមិនគួរកាត់ចោលឡើយ ព្រោះជាពិធីដែលត្រូវតែមានក្នុងអាពាហ៍ពិពាហ៍របស់អ្នក។

សូមអាន៖ រៀបការចំណាយតិច ចំណងស្នេហាយូរអង្វែងជាងចំណាយច្រើន

អត្ថបទ៖ លឹមសុនា

ពាក្យទាក់ទង

ទំនាក់ទំនង និង ស្នេហា

អត្ថបទពេញនិយម

មកដឹងពីអាហារផ្ដល់សុខភាពរាងកាយ ការពារពីការឆ្លងវីរុសផ្សេងៗ

ដេត ស្រីនាថ ធ្លាប់សន្យាមិនបោះបង់ការប្រកួតឡើយ ខណៈអតីតធ្លាប់បោះបង់កណ្តាលទី

ស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា

LDA White ចេញ បទ "អូសវ៉ាលី-OS VALI" កំពុងល្បីខ្លាំង ស្ដាប់ហើយញ័រជើង

Ronaldo ៖ ជំហានដំបូងគឺខ្ញុំផ្ដោតលើការរកគ្រាប់បាល់ និងជ័យជម្នះ

Robert Lewandowski ក្លាយជាកីឡាករទី៣ដែលរកបាន១០០គ្រាប់នៅ UCL

អត្ថបទថ្មី

ចាញ់ Liverpool ២-០ តែ Ancelotti នៅតែជឿជាក់ថា Real Madrid នឹងឡើងទៅជុំបន្ត

Defender ស៊េរីថ្មី ២០២៥ មកលើកនេះពិតជាអស្ចារ្យមិនធម្មតា‍

ជំនួយសប្បុរសធម៌របស់របស់ លោក សុខ សំណាង និងក្រុមគ្រួសារ បរិច្ចាគថវិកា២ម៉ឺនដុល្លារ និងភេសជ្ជៈប៉ូការីស្វេត ជាលើកទី៣ ជូនដល់មន្ទីរពេទ្យគន្ធបុប្ផា ប្រើប្រាស់ពេញមួយឆ្នាំ

លោក ប៉ិច នី៖ ដំណើរអាជីពការងាររយៈពេល៣០ឆ្នាំពីចំណុចចាប់ផ្តើមដំបូង រហូតទទួលបានសមិទ្ធផលដ៏អស្ចារ្យ

រយ:ពេល៣ថ្ងៃ បុណ្យភូមិមានជើងបាននាំមនុស្ស១ម៉ឺន៥ពាន់នាក់ ទៅកាន់តំបន់ច្រើនកន្លែង និង យល់ដឹងពីវប្បធម៌ជនជាតិដើមភាគតិច នៅខេត្តមណ្ឌលគិរី