កម្ចាត់ស្នាមប្រឡាក់ទឹកប៊ិចឬហ្វឺតជាប់ខោអាវ ដោយវិធីងាយៗ
- 2015-11-06 23:25:30
- ចំនួនមតិ 0 | ចំនួនចែករំលែក 0
កម្ចាត់ស្នាមប្រឡាក់ទឹកប៊ិចឬហ្វឺតជាប់ខោអាវ ដោយវិធីងាយៗ
ចន្លោះមិនឃើញ
ពេលខ្លះច្រឡំដៃកាន់ប៊ិចគូសវាស ឬទឹកហ្វឺតប្រឡាក់លើអាវ ឬខោដោយអចេតនា តើធ្វើយ៉ាងណាទើបអាចសម្អាតជ្រះ? ស្នាមប្រឡាក់ទាំងនោះពេលប្រឡាក់ភ្លាមអាចដិតជាប់រហូត ជាពិសេស សម្រាប់អាវពណ៌ស។ ពេលប្រឡាក់ទឹកប៊ិចភ្លាមៗ គឺអាចប្រើវិធីសម្អាតជ្រះខ្លះតែទុករយៈពេលយូរវាជាប់មិនងាយជ្រះនោះទេ។ ប៉ុន្តែមានវិធីមួយចំនួនអាចកម្ចាត់ស្នាមប្រឡាក់នោះបាន ដូចបង្ហាញខាងក្រោម៖
សម្ភារៈដែលគួរជ្រើសរើសសម្រាប់សម្អាតមានដូចជា៖
ទឹកដោះគោ ទឹកខ្មេះ សំឡីកប្បាស ទឹកអាល់កុល (មេទីល)
វិធីទី១៖ យកទឹកដោះគោលាយជាមួយទឹកខ្មេះរួចដាក់ត្រាំក្រណាត់ ឬខោអាវ សំពត់ឬខោត្រង់ផ្នែកដែលប្រឡាក់ចោលមួយយប់។ បន្ទាប់មកយកវាទៅហាលឲ្យស្ងួតរួចយកទៅបោកសម្អាតជម្រះចេញជាធម្មតា។
ចំណាំ៖ ចំពោះវិធីនេះគឺអាចកាត់បន្ថយស្នាមប្រឡាក់បានច្រើនជាងមុន ហើយស្នាមប្រឡាក់នឹងថយទៅៗពេលសំលៀកបំពាក់បោកគក់លើកក្រោយទៀត។
វិធីទី២៖ យកសំឡីកប្បាសមកផ្ដិតយកទឹកអាល់កុល (រូបមន្តមេទីល) មកផ្សើមត្រង់កន្លែងដែលមានស្នាមប្រឡាក់ប៊ិចឬហ្វឺត ផ្តិតយកស្នាមប្រឡាក់ចេញ ប្ដូរយកសំឡីកប្បាសថ្មីយកម្ដងទៀត រួចលាងសម្អាត។ រោយអំបិលត្រង់កន្លែងប្រឡាក់ដដែលរួចយកវាទៅជ្រលក់ក្នុងទឹកដោះគោមួយយប់។ រួចហើយព្រឹកឡើងយកមកបោកសម្អាតជាការស្រេច៕
ចុចអាន៖ ងាយៗ សម្អាតស្ករកៅស៊ូប្រឡាក់ជាប់ខោអាវ ឬក្រណាត់
ចុចអាន៖ វិធីងាយៗជួសជុលរូតខោ ឬរូតកាបូបដោយខ្លួនឯង
ប្រែសម្រួល៖ មាន រតនា ប្រភព៖ howcast, lifehacker