បងប្អូនជីដូនមួយអតីតកីឡាករ Real Madrid ម្នាក់ស្លាប់ក្នុងការវាយប្រហារនៅប៉ារីស

2015-11-15 16:56:58
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតកីឡាករ Real Madrid និង Chelsea គឺ Lassana Diarra បានសរសេរលើបណ្ដាញសង្គម Twitter ថា បងប្អូនស្រីជីដូនមួយរបស់គេបានបាត់បង់ជីវិតក្នុងហេតុការណ៍វាយប្រហារក្នុងទីក្រុងប៉ារីស ប្រទេសបារាំង។

Lassana Diarra

កីឡាករដែលបច្ចុប្បន្នដែលជាសមាជិកក្រុម Marseille បានរាយរាប់នៅលើបណ្ដាញ Twitter កាលពីថ្ងៃសៅរ៍ទាំងឈឺចាប់ថា ប្អូនស្រីជីដូនមួយរបស់គេដែលមានឈ្មោះថា Asta Diakite ក៏ត្រូវបានបាត់បង់ជីវិតក្នុងចំណោមជនរងគ្រោះជាច្រើនរយនាក់ទៀតដែលស្ថិតក្នុងហេតុការណ៍បាញ់ និងបំផ្ទុះគ្រាប់បែកនៅទីក្រុងប៉ារីស។

កីឡាករវ័យ៣០រូបនេះក៏បានឧទ្ទិសដល់ប្អូនស្រីនិងជនរងគ្រោះដែលស្លាប់ទាំងអស់ផងដែរ។ អំឡុងការប្រកួតមិត្តភាពបារាំងយកឈ្នះអាល្លឺម៉ង់ ២ - ០កាលពីថ្ងៃសុក្រនៅកីឡាដ្ឋាន Stade de France ក៏មានឮស្នូរផ្ទុះគ្រាប់បែកពីរគ្រាប់ ប៉ុន្តែបញ្ហានោះគេមិនប្រាប់កីឡាករនិងផ្អាកការប្រកួតឡើយ។ លុះដល់ពេលយប់ការប្រកួតទើបកីឡាករទាំងអស់បានដឹង។

បារាំងយកឈ្នះអាល្លឺម៉ង់ ២ – ០ ដោយគ្រាប់ទី១ដោយកីឡាក្រុម Arsenal គឺ Giroud នាទីទី៤៥ និង Gignac រកបានគ្រាប់ទី២នៅចុងតង់ទី២នាទីទី៨៦៕