Ronaldinho ថា Neymar នឹងជោគជ័យទៀតបើទៅ Premier League
- 2015-11-20 15:42:11
- ចំនួនមតិ 0 | ចំនួនចែករំលែក 0
Ronaldinho ថា Neymar នឹងជោគជ័យទៀតបើទៅ Premier League
ចន្លោះមិនឃើញ
Ronaldinho ជឿជាក់ថាមិត្តរួមសញ្ជាតិរបស់ខ្លួន Neymar នឹងនៅតែជោគជ័យ បើទោះជាទៅលេងនៅក្របខណ្ឌ Premier League ក៏ដោយ។
ការនិយាយបែបនេះរបស់អតីតវីរបុរសប្រេស៊ីល ចំពេលដែល Man Utd កំពុងដាក់គោលដៅ តាមទិញខ្សែប្រយុទ្ធវ័យ២៣ឆ្នាំ មកចូលរួមជាមួយក្លិបនៅរដូវកាលក្រោយ។
Ronaldinho ដែលធ្លាប់ជួយ Barcelona ឈ្នះជើងឯក La Liga ២ដង និង Champions League បាននិយាយថា Neymar គឺជាកីឡាករមានទេពកោសល្យ និងសមត្ថភាពគ្រប់គ្រាន់ក្នុងការលេងនៅអង់គ្លេស។
"គាត់នឹងជោគជ័យ គ្រប់ក្របខ័ណ្ឌបាល់ទាត់ទាំងអស់នៅក្នុងពិភពលោក។ ខ្ញុំមិនយល់ពីមូលហេតុ ដែល Barca ចង់លក់ Neymar នោះទេ តែក្នុងករណីគាត់ចាកចេញ តម្លៃខ្លួនរបស់គាត់អាចនឹងថ្លៃបំផុត"។ កីឡាករវ័យ៣៥ឆ្នាំបញ្ជាក់ដូច្នេះ។
ក្រុមបិសាចក្រហម Manchester United បានបង្ហាញពីគោលបំណងចង់ទិញ Neymar ពី Barcelona កាលពីពេលថ្មីៗ ស្របពេលដែល Neymar ខ្លួនឯងក៏ចង់ចាកចេញពីអេស្ប៉ាញដែរ ព្រោះតែរូបគេមានបញ្ហាផ្លូវច្បាប់ពាក់ព័ន្ធនឹងការបង់ពន្ធ។
តើប្រិយមិត្តគិតថា Man Utd អាចទិញ Neymar បានអត់?
ចុចអាន៖ Neymar ត្រូវអាជ្ញាកណ្ដាលបដិសេធមិនទទួលអាវដែលហុចឲ្យ
ប្រែសម្រួល៖ រុន វីរ៉ុត ប្រភព៖ goal