ម៉ូតូហុងដា Air Blade ឆ្នាំ២០១៦បង្ហាញខ្លួនហើយរូបរាងស្អាតប្លែកពីមុន

2015-11-30 17:52:14
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីកន្លងទៅនេះ ម៉ូតូហុងដា Air Blade ឆ្នាំ២០១៦ បានធ្វើការបង្ហាញខ្លួនជាផ្លូវការនៅក្នុងប្រទេសវៀតណាម ដែលមានការរចនារូបរាងស្អាតខុសប្លែកពីមុន។

ម៉ូតូ Air Blade ស៊េរីថ្មីនេះឃើញថាមានការផ្លាស់ប្ដូររូបរាងថ្មីបន្ទាប់ពីបានរក្សារូបរាងដដែលអស់រយៈពេលបីឆ្នាំមកហើយនោះ។ មិនតែប៉ុណ្ណោះក៏មានបន្ថែមបច្ចេកវិទ្យាថ្មីៗមួយចំនួនផងដែរ។ ជាក់ស្ដែងផ្នែកខាងមុខនៃម៉ូតូរចនាឡើងធ្វើឲ្យគេមើលលែងស្គាល់ថាវាជាម៉ូតូ Air Blade ទៀតហើយ ព្រោះវាមានបំពាក់នូវចង្កៀង LED រូបរាងថ្មីសន្លាង។

វិមាត្ររបស់ម៉ូតូនេះទៀតសោតក៏មានការប្រែប្រួលដោយមានបណ្ដោយខ្លីជាងពីមុន ពោល១៨៨១ម.ម ដែលស៊េរីចាស់មានបណ្ដោយ ១៩០១ម.ម។ ចំណែកទទឹងនៅដដែលគឺ៦៨៧ម.ម ឯកម្ពស់វិញមាន ១១១១ម.ម ទាបជាងពីមុន ៤ម.ម។

ម៉ូតូ Air Blade ឆ្នាំ២០១៦ នេះផលិតឡើងដោយប្រើប្រាស់នូវបច្ចេកវិទ្យាថ្មី ដោយប្រើប្រាស់នូវវត្ថុធាតុដើមដែលមានទម្ងន់ស្រាល ដែលនេះធ្វើឲ្យម៉ូតូមានទម្ងន់សរុបត្រឹមតែ ១១០គ.ក (ស្រាលជាងមុន៣គ.ក)។ និយាយអំពីម៉ាស៊ីនវិញគឺមានស៊ីឡាំងមួយប្រភេទ eSP ទំហំ ១២៥សេសេ និងមានធុងទឹកមួយសម្រាប់បញ្ចុះកម្ដៅម៉ាស៊ីន។ បើយោងតាមក្រុមហ៊ុនហុងដាបានឲ្យដឹងថា ម៉ាស៊ីនថ្មីដែលគេបំពាក់លើម៉ូតូនេះអាចសន្សំសំចៃប្រេងឥន្ធនៈបានច្រើនជាងមុនប្រមាណ ៤ភាគរយ។

គួររំលឹកដែរថា ម៉ូតូ Air Blade ឆ្នាំ២០១៦ដ៏ស្រស់ស្អាតនេះមានដាក់លក់នៅលើទីផ្សារប្រទេសវៀតណាមក្នុងតម្លៃប្រមាណ៣៨លានដុង (ប្រហាក់ប្រហែល១៦៨៩ដុល្លារ)៕ ចុចអាន៖ NASA នឹងផ្ដល់ប្រាក់១០ម៉ឺនដុល្លារសម្រាប់អ្នកស្ម័គ្រចិត្តដេកលើគ្រែ១៨០ថ្ងៃជាប់គ្នា