រោងចក្រក្លូនធំជាងគេលើលោក អាចក្លូនមនុស្សបាន តែខ្លាច...
- 2015-12-02 16:17:54
- ចំនួនមតិ 0 | ចំនួនចែករំលែក 0
រោងចក្រក្លូនធំជាងគេលើលោក អាចក្លូនមនុស្សបាន តែខ្លាច...
ចន្លោះមិនឃើញ
អ្នកវិទ្យាសាស្ត្រចិននៃរោងចក្រក្លូនធំជាងលើលោក បានឲ្យដឹងថាបច្ចេកទេសនៃការក្លូនមនុស្ស គឺនឹងអាចធ្វើបានគ្រប់ពេល នាពេលខាងមុខ។
រោងចក្រក្លូនរបស់ក្រុមហ៊ុន Boyalife Group មានទីតាំងនៅតំបន់កំពង់ផែ Tianjin ប្រទេសចិន នឹងក្លូនសត្វសុនខ គោ និងសេះចាប់ពីឆ្នាំ២០១៦ដ៏ខ្លីខាងមុខនេះ។ ក្នុងមួយឆ្នាំៗ រោងចក្រនឹងផលិតគោដោយការក្លូនឲ្យបាន១លានក្បាល ត្រឹមឆ្នាំ២០២០។ ចំពោះគម្រោងការក្លូន គឺនឹងសម្រាំងតែបសុសត្វគោ ក្របី ពូជសេះប្រណាំង សត្វចិញ្ចឹម សុនខប៉ូលិសពូកែៗ។ ប៉ុន្តែនឹងអាចឈានទៅដល់ការក្លូនមនុស្សផងដែរ។
ប្រធានរោងចក្រក្លូន Boyalife Group លោក Xu Xiaochun បាននិយាយថារោងចក្ររបស់លោកកំពុងអភិវឌ្ឍបច្ចេកទេសក្លូនឲ្យប្រសើរលើសត្វដើម្បីធ្វើតេស្តលើជំងឺ។ វាគឺជាដំណើរការបច្ចេកទេសជីវវិទ្យាមួយដែលជាជំហានសម្រាប់ការធ្វើលើស្វារហូតទៅដល់មនុស្ស។
លោក Xu បានប្រាប់ទៅសារព័ត៌មាន AFP ដោយនិយាយសង្កត់ធ្ងន់ថា៖ "ពេលនេះក្រុមហ៊ុនមិនមានក្លូនមនុស្សនោះទេ"។ ការលើកឡើងនោះគឺដោយខ្លាចក្រែងនឹងការប្រតិកម្មពីសាធារណជន។ ប៉ុន្តែការលើកឡើងជាបន្តរបស់លោក Xu ក៏បានបង្ហាញថា ការក្លូនទៅលើមនុស្សគឺមាននឹងអាចធ្វើបាន។
មកទល់ពេលនេះ រោងចក្រ Boyalife កំពុងសហការជាមួយក្រុមហ៊ុនក្លូនរបស់កូរ៉េខាងត្បូង Sooam រួមជាមួយបណ្ឌិតសភាវិទ្យាសាស្ត្រចិនដើម្បីពង្រឹងលើបច្ចេកទេសក្លូន ជាពិសេសទៅលើការធ្វើតេស្តលើជំងឺរបស់សត្វ៕
ចុចអាន៖ អ្នកវិទ្យាសាស្ត្រអាចនឹងក្លូនដំរីរោមក្រាស់ផុតពូជជាង៣សហស្សវត្សមុន
ប្រែសម្រួល៖ មាន រតនា ប្រភព៖ dailymail