ស្ពានកញ្ចក់វែងជាងគេ និងខ្ពស់ជាងគេក្នុងលោកជិតរួចរាល់ហើយ

2015-12-04 16:53:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ពានកញ្ចក់វែងជាងគេ និងខ្ពស់ជាងគេក្នុងលោក ដែលបានសាងសង់ក្នុងទីក្រុង Zhangjiajie ខេត្តហូណាន ប្រទេសចិន នាពេលនេះបានសាងសង់ជិតរួចរាល់ហើយ និងត្រៀមសម្ពោធនាឆ្នាំក្រោយ។

ស្ពានដ៏គួរឲ្យស្រៀវ Zhangjiajie ក្នុងឧទ្យានជាតិ Tianmenshan ក្រុង Zhangjiajie នេះ ត្រូវបានចំណាយថវិកាចំនួន ២៦លានយាន់ (ប្រហែលជាង៤លានដុល្លារ) ដើម្បីសាងសង់។ វាត្រូវបានរចនាឡើងដោយស្ថាបត្យករ អ៊ីស្រាអែល គឺលោក Haim Dotan ដោយមានប្រវែងលាតសន្ធឹង ៤៣០ម៉ែត្រ និងកម្ពស់ ៣០០ម៉ែត្រពីដីជ្រលងភ្នំដែលខ្ពស់ជាងស្ពាន Skywalk Grand Cayon នៅរដ្ឋអារីហ្សូណា សហរដ្ឋអាមេរិក ដែលមានកម្ពស់ ២១៩ម៉ែត្រ។

យោងតាមប្រភពព័ត៌មានចិន People ស្ពានកញ្ចក់ Zhangjiajie នឹងសម្ពោធជាផ្លូវការ នាឧសភា ឆ្នាំ២០១៦ខាងមុខ។

គម្រោងស្ពានកញ្ចក់ Zhangjiajie ត្រូវបានរៀបចំឡើង និងប្រកាសនាឆ្នាំ២០១២ រួចបានចាប់ផ្ដើមដំណើរសាងសង់កាលពីឆ្នាំ២០១៤ ដោយគ្រោងនឹងបញ្ចប់នាខែកក្កដាឆ្នាំ២០១៥ ប៉ុន្តែក្រោយមកត្រូវបានពន្យារពេល ហើយរហូតដល់ ខែឧសភា ឆ្នាំ២០១៦ខាងមុខនឹងសម្ពោធបើកជូនសាធារណជនដើរទស្សនា ហើយសាធារណជននឹងអាចលេងលោត Bungee Jumping ឬការដើរម៉ូដផងដែរ៕