រៀនធ្វើខ្ទឹមបារាំងបំពងស្រួយ ឆ្ងាញ់មិនចាញ់ដំឡូងបារាំង

2016-01-14 00:04:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្ទឹមបារាំង ជាបន្លែដ៏ពេញនិយមមួយសម្រាប់បងប្អូនខ្មែរ ដែលប្រើសម្រាប់ស្ល ឆា ស្ងោរជាដើម ពេលនេះ លោកអ្នកនឹងចេះវិធីមួយទៀតក្នុងការបំពងខ្ទឹមបារាំងដាក់គ្រឿងដ៏ឈ្ងុយឆ្ងាញ់។ មើមខ្ទឹមបារាំង ត្រូវហាន់ជាចំណិតកងៗ រួចបំពងខ្លាញ់តាមវិធីងាយៗ និងគ្រឿងងាយស្រួលរក។

ដើម្បីទទួលបានខ្ទឹមបារាំងបំពងនេះ យើងត្រូវការ គ្រឿងផ្សំដូចជា៖ -មើមខ្ទឹមចិតជាកងៗ រួចប្រលេះចេញពីស្រទាប់នីមួយៗ -ម្សៅធ្វើនំ និងម្សៅឆា -អំបិល ឬទឹកស៊ីអ៊ីវ ១ឬ២ ស្លាបព្រា -ម្រេចម៉ត់ ១ស្លាបព្រា -ម្សៅស៊ុប ២ស្លាបព្រាកាហ្វេ -ប៊ីចេង ១ស្លាបព្រាកាហ្វេ -ស្ករសរ ២ស្លាបព្រាកាហ្វេ -ប្រេងល្ង ២ស្លាបព្រាបាយ -ម្សៅម្ទេសរោយបន្តិច -ប្រេងឆា

-កម្ទេចនំប៉័ងល្អិតៗ

វិធីធ្វើ

បន្ទាប់ពីដាក់គ្រឿងសព្វគ្រប់ តាមចំណងចំណូលចិត្តរួចហើយ កូរគ្រឿងឲ្យលាយចូលគ្នា ចាក់ទឹកចូល ក្រឡុកឲ្យសព្វ រួចដាក់ខ្ទឹមបារាំង កូរបន្តទៀត។ បន្ទាប់មកយកកងខ្ទឹមបារាំង ដែលប្រឡាក់គ្រឿង ដាក់លើកម្ទេចនំប៉័ងស្រួយ (បើមាន) រួចបំពងខ្លាញ់ឲ្យឆ្អិនស្រង់ដាក់ចង្អើរជាការស្រេច៕