ជួបតារាចម្រៀងល្បីៗក្នុងវគ្គជម្រុះ Tiger Street Football Festival 2016 នៅឆ្នេរអូឈើទាលចុងសប្ដាហ៍នេះ

2016-02-10 17:21:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ដំណើរឆ្ពោះទៅស្វែងរកក្រុមខ្លាំងចំនួន ៥ ដើម្បីប្រកួតប្រជែងនៅជុំផ្ដាច់ព្រ័ត្រ Tiger Street Football Festival 2016នាពេលខាងមុខពីខេត្តព្រះសីហនុចុងសប្ដាហ៍នេះនៅថ្ងៃទី ១៣ & ១៤ កុម្ភៈ មិនត្រឹមតែការប្រកួតដ៏ជក់ចិត្តទេ តែថែមទាំងមានការប្រគំតន្ត្រីយ៉ាងសប្បាយរីករាយដែលចូលរួមដោយតារាចម្រៀងលំដាប់ជួរមុខនៅកម្ពុជាជាច្រើនដួងទៀតផង។ គិតត្រឹមថ្ងៃនេះ ក្រុមដែលចូលរួមប្រកួតត្រូវបានអ្នករៀបចំកម្មវិធីបង្ហើបថាមានចំនួន ៤២ ក្រុម។ បន្ទាប់ពីការប្រកួតថ្ងៃទី១ ពោល នាល្ងាចថ្ងៃសៅរ៍ ប្រិយមិត្តនឹងបានជួប ឱក សុគន្ធកញ្ញា ខេម នី រតនា និង ទេព បូព្រឹក្ស ដែលនឹងផ្ដល់ការកម្សាន្តដល់ប្រិយមិត្តនៅឆ្នេរអូឈើទាលតាមរយៈបទចម្រៀងជាច្រើនបទ។ ចំណែកថ្ងៃអាទិត្យទី ១៤ កុម្ភៈ ត្រូវនឹងទិវានៃក្ដីស្រលាញ់ ប្រិយមិត្តអ្នកគាំទ្រនឹងបានជួប ពេជ្រ សោភា ណុប បាយ៉ារិទ្ធ អ៊ីវ៉ា វង្ស ដារ៉ារតនា និង វ៉ាន់ នីឡា ចាប់ពីម៉ោង ៦ល្ងាចតទៅ។

កុំភ្លេចការប្រកួតដ៏ស្វិតស្វាញ រួមទាំងទស្សនាការប្រគំតន្ត្រីដ៏រីករាយក្នុងព្រឹត្តិការណ៍ Tiger Street Football Festival 2016។ Tiger Street Football Festival 2016 ចូលរួមចំណែកយ៉ាងខ្លាំងក្លាក្នុងការលើកកម្ពស់វិស័យបាល់ទាត់នៅកម្ពុជា ជាពិសេសបំផុសចលនាកីឡាបាល់ទាត់ហ្វូតសាលនៅតាមបណ្ដាខេត្តនានាតាំងពីឆ្នាំ ២០១៣មក។ អត្ថបទពាក់ព័ន្ធ ជម្រុះ Tiger Street Football Festival 2016 ចុងសប្ដាហ៍នេះនៅខេត្តព្រះសីហនុឆ្ពោះទៅប្រាក់រង្វាន់១ម៉ឺនដុល្លារ