តារាល្បី ពីក្មេងឡើង Cute ដល់ពេលចាស់ មើលអត់ចង់ស្គាល់

2014-10-23 22:42:39
ចំនួនមតិ 0 | ចំនួនចែករំលែក 0

ចន្លោះមិនឃើញ

កើត ចាស់ ឈឺស្លាប់ មនុស្សមិនអាចគេចផុតឡើយ ព្រោះវាជាច្បាប់ធម្មជាតិ។ បើតាមរូបមួយសន្លឹកខាងលើ តើអ្នកអាចមើលស្គាល់អត់ថា តារា Hollywood ល្បីសញ្ជាតិអាមេរិករូបនេះ ជាអ្នកណា?

នាង Renee Zellweger

ពេលនេះ Renee Zellweger មានវ័យ៤៥ឆ្នាំហើយ ចំណែករូបរាង និងសម្រស់មិនដូចកាលពីក្មេងទេ។ នាងបានបាត់បង់សម្រស់ និងឡើងទម្ងន់ក្នុងពេលថតស៊េរីរឿង "កំណត់ហេតុ" របស់លោក Bridget Jones។

គេហទំព័រ AsiaOne បានឱ្យដឹងថា តារាសម្ដែងអាមេរិករូបនេះ បានឡើងបង្ហាញខ្លួនក្នុងកម្មវិធី ELLE Women In Hollywood Awards ក្នុងទីក្រុង Los Angeles កាលពីថ្ងៃច័ន្ទ។ នាឱកាសនោះ គេឃើញស្បែករបស់នាង មានលក្ខណៈតឹងខុសពីធម្មតា ចំណែកភ្នែកទាំងគូហាក់ខុសប្លែក។

ខណៈសារព័ត៌មាន Metro ចុះផ្សាយថា Zellweger ស្ទើរធ្វើឱ្យមនុស្សចូលរួមកម្មវិធីនេះ ច្រឡំនាងថាជា តារាស្រី Cameron Diaz និង Robin Wright Penn ទៅហើយ។

កាលនៅក្មេង

ការប្រែប្រួលនេះ បង្ហាញផលប៉ះពាល់ បណ្ដាលមកពីការកែសម្ផស្ស ទោះបីជាតារាវ័យ៤៥ឆ្នាំ បដិសេធថា នាងមិនបានឡើងជ្រញ់ក្ដៅក៏ដោយ។ យ៉ាងណាមិញ អ្នកឯកទេសមួយចំនួន ក៏បង្ហាញដែរថា ភាពខុសប្លែករបស់នាង គឺបណ្ដាលមកពីការវះកាត់។

តែយ៉ាងណា Zellweger និយាយថា ការយករឿងរបស់នាង មកពិភាក្សាជារឿងឆ្កួតៗ៖" មិត្តខ្ញុំប្រាប់ថា ខ្ញុំមិនមានអីខុសប្លែកទេ ហើយខ្ញុំមានសុខភាពល្អទៀតផង"។

នាងបន្ថែមថា គ្មានអ្នកណាដឹងពីខ្ញុំ កាលខ្ញុំមានអាយុ៤០ និងសុខភាពរបស់ខ្ញុំឡើយ។ ខ្ញុំអាចប្រែប្រួល។ អ្នកណាដែលមិនផ្លាស់ប្ដូរ ពេលចាស់នោះ?”។ Zellweger បានប្រាប់ទស្សនាវដ្ដីមួយថា នាងសប្បាយចិត្ត ក្នុងស្ថានភាពជីវិតបែបសព្វថ្ងៃ៕