មីយ៉ាន់ម៉ាជ្រើសរើសបានប្រធានាធិបតីស៊ីវិលដំបូង ក្នុងរយៈពេល៥ទសវត្សចុងក្រោយ

2016-03-15 21:16:34
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាជិកសភាមីយ៉ាន់ម៉ា បានបោះឆ្នោតជ្រើសរើសតំណែងប្រធានាធិបតីថ្មីហើយ ដែលជាមនុស្សជំនិត និងមិត្តភ័ក្ដិជិតស្និទ្ធយូរឆ្នាំរបស់លោកស្រី អ៊ុង សានស៊ូជី គឺលោក Htin Kyaw។

លោក Kyaw ត្រូវគេបោះឆ្នោតទទួលបានសំឡេង ៣៦០ក្នុងចំណោម ៦៥២ ដែលសមាជិកសភាភាគច្រើនរបស់គណបក្សសម្ព័ន្ធប្រជាធិបតេយ្យ (NLD) របស់អ្នកស្រីអ៊ុង សានស៊ូជី។

Htin Kyaw មានអាយុ ៦៩ឆ្នាំ នឹងក្លាយជាប្រធានាធិបតីកើតចេញពីប្រជាជនស៊ីវិលដំបូងគេក្នុងប៉ុន្មានទសវត្សនេះ ក្រោយពីរបបយោធាកាន់អំណាចអស់រយៈពេលច្រើនជាង ៥០ឆ្នាំ ។ លោកនឹងជំនួសតំណែងប្រធានាធិបតីយោធា ថេន សេន នៅខែក្រោយហើយ។

ក្នុងការបោះឆ្នោតនៅព្រឹកនេះ លោកស្រី អ៊ុង សានស៊ូជី ដែលត្រូវបានរដ្ឋធម្មនុញ្ញហាមប្រាម មិនឲ្យក្លាយជាប្រធានាធិបតីដោយសារកូនមានសញ្ជាតិបរទេស តែលោកស្រីក៏បានចូលរួមបោះឆ្នោតនេះដែរ។

គណបក្សសម្ព័ន្ធប្រជាធិបតីរបស់លោកស្រីម្ចាស់ណូបែលសន្តិភាពខាងលើ បានឈ្នះការបោះឆ្នោតភ្លូកទឹកភ្លូកដីជាថ្មី កាលពីថ្ងៃទី ៨វិច្ឆិកាកន្លងទៅ និងទទួលបានសំឡេងច្រើនលើសលប់ទាំងក្នុងសភាជាន់ទាប និងជាន់ខ្ពស់។ ចំណែកបេក្ខជន ២នាក់ទៀត ក្នុងចំណោមបេក្ខជនទាំង ៣នាក់ចុងក្រោយនេះគឺលោក Henry Van Tio ជាតំណាងរាស្ត្រមកពីគណបក្ស NLD និងលោកឧត្ដមសេនីយ៍ឯក Myint Swe រើសដោយយោធា នឹងក្លាយជាអនុប្រធានាធិបតីទាំងពីររូបផងដែរ៕